عامه منفعتلر ایشلری وزیرلیگی نبنگ تخنیکی معینی کابل-جلالآباد یۉلی نینگ ایکّینچی قطاریدهگی ایش جریانی بیلن تنیشدی

کابل ۲۴ قوس باختر
عامه منفعتلر ایشلری وزیرلیگی نینگ تخنیکی معینی مولوی عبدالکریم فاتح کابل-جلالآباد قتناو شاه یۉلی نینگ ایکّینچی بۉلهگیدهگی ایش جریانی و کابل-جلالآباد یۉنهلیشیدهگی تولپلازای بیلن تنیشدی.
عامه منفعتلر ایشلر وزیرلیگی مطبوعات خدمتی خبر بېریشیچه، عامه منفعتلر ایشلری وزیرلیگی نینگ تخنیکی معینی یۉل نینگ مذکور اوچستکهسیگه تشریفی چاغیده قراردادی شرکتلر باشلیغلری، تخنیکی گروهلر و انجنیرلرگه صفتنی یخشیلش بۉییچه ضرور کۉرسهتمهلر بېرگن. و ایش و اوشبو لایحهنی اۉز وقتیده یکونلشینی تأکیدلهدی.
کابل-جلالآباد قتناو شاه یۉلی نینگ ایکّینچی بۉلهگی قریب ۱۴۷ کیلومتر اوزونلیکدهگی بۉلیب، اوشبو یۉل نینگ دستلبکی ۲۲ کیلومترینی قوریلیش ایشلری وزیرلیگی تامانیدن خصوصی سکتور بیلن شرطنامه توزیلیب، اونینگ قیمتی تولپلازا شرکتی درآمدی حسابیدن تۉلهنهدی.
اوشبو سفر دوامیده وزیرلیک نینگ تخنیکی معینی کابل-جلالآباد قتناو شاه یۉلیدهگی تولپلازا تۉلاولر نینگ ایش جریانی و پول ییغیش جریانی بیلن تنیشیب، معمالرنی برطرف اېتیش و قولیلیکلر یرهتیش مقصدیده تېگیشلی متصدیلرگه کېرهکلی بوروغلرنی تاپشیردی و قۉشیمچه قیلدی: یخشی ایش توتینگ و درآمد ییغیشده ایشانچلی بۉلینگ؛ تاکه، یورتداشلریمیز اۉز مبلغلری اوشبو قتناو شاه یۉلی نینگ اساسی قوریلیشیگه صرفلنیشیگه ایشانچ حاصل قیلیشلری ممکن دیدی.