شهیدلر و معلوللر ایشلری وزیرلیگی و اچ اچ آر دی مؤسسهسی اۉرتهسیده اۉزارا انگلشوو بیتمی امضالندی

کابل ۲۶ جدی باختر
شهیدلر و معلوللر ایشلری وزیرلیگی یېتیملر، بېوهلر و معلوللر اوچون قولیلیکلر یرهتیش مقصدیده اچ اچ آر دی خیریه مؤسسهسی بیلن بېش میلیوندن آرتیق افغانی انگلشوو بیتمی امضالهدی.
شهیدلر و معلوللر ایشلری وزیرلیگی بو خبرنی بوگون باختر آژانسیگه جۉنهتیب، اوشبو انگلشوو بیتمی شهیدلر و معلوللر ایشلری وزیرلیگی نینگ تشقی علاقهلر و رېجهلشتیریش بۉلیمی باشلیغی ملا صدو خان حقشناس و عبیدالله احمدی سوپروایزر اۉرتهسیده امضالنگنینی یازدی.
اچ اچ آر دی خیریه مؤسسهسی، اونینگ نېگیزیده قویاش پنېللری، قۉلده کۉچمه سوو ایسیتگیچلری و باشقه بعضی بویوملر ننگرهار، بدخشان، هلمند، لغمان و تخار ولایتلریدهگی (۴۴۰) یېتیم، بېوه و معلوللرگه ترقهتیلهدی.
یوقاریده تیلگه آلینگن لایحهنی عملگه آشیریش نینگ عمومی قیمتی ۵ میلیون و ۱۴۳ مینگ و ۵۲۸ افغانی بۉلیب، ایکّی آی مدتده یوقاریده قید اېتیلگن ولایتلر شهیدلر و معلوللر ایشلری بۉییچه باشقرمهلری بیلن کېلیشیلگن حالده عملگه آشیریلهدی.