ینگی‌لیک/اخبارسیاستجمیت/جامعهTOP

شهرسازلیک و اوی-جای قوریش سرپرست وزیری ایتالیا نینگ فلورانس بیلیم‌ یورت باشلیغی بیلن اوچره‌شدی

 

کابل ۹ جوزا باختر
شهرسازلیک و اوی-جای قوریش وزیرلیگی نینگ سرپرست وزیری شیخ حمدالله نعمانی ایتالیا نینگ فلورانس بیلیم یورت باشلیغی مریلا لودا خانم بیلن اوز اداره‌سیده اوچره‌شدی و بامیان ولایتی اهالیسی نینگ شهر حیاتی حقیده صحبتلشدی.

بو حقده شهرسازلیک و اوی-جای قوریش وزیرلیگی مطبوعات خدمتی بوگون معلوم قیلدی.

اوشبو اوچره‌شووده ایتالیا نینگ فلورانس بیلیم یورت باشلیغی مریلا لودا خانم بامیان ولایتیده ایتالیا تامانیدن توله‌نه‌دیگن ۳۰۰ مینگ دالرلیک ایکّیته تورر-جای لایحه‌سینی عملگه آشیرماقچی ایکنلیگینی ایتدی.

لودا خانم بیرینچی باسقیچده یوقاریده سنه‌ب اوتیلگن لایحه‌لر بوییچه‌ ریجه‌لر تیارلب قویگنینی، بیراق بو باره‌ده شهرسازلیک و اوی-جای قوریش وزیرلیگی همکارلیگینی ایستشینی ایتدی.

اونینگ ایتیشیچه، او بامیان ولایتیده‌گی غارلرده یه‌شاوچی عایله‌لر اوچون ۱۰۰ ته اوی قورماقچی، شونینگدیک، اوشبو ولایت نینگ زرگران حدودینی آبادانلشتیریش ریجه‌سینی تیارله‌گن، بو ایسه حدود نینگ احوالینی یخشیله‌یدی.

شهرسازلیک و اوی-جای قوریش وزیرلیگی نینگ سرپرست وزیری شیخ حمدالله نعمانی ایتالیا نینگ فلورانس بیلیم یورت باشلیغی و اونینگ ایریگه زرگران حدودینی آبادانلشتیریش ریجه‌سی شهرسازلیک و اوی-جای قوریش وزیرلیگی نینگ مسلکی جماعه‌سی تامانیدن کوریب چیقیلیشینی ایتدی. و بهالشدن کیین اونینگ عملگه آشیریلیشی کوریب چیقیله‌دی.

شیخ حمدالله نعمانی نینگ ایتیشیچه، ۱۰۰ ته اوی قوریلیشی اوچون بیرینچی نوبتده اوزلشتیریب آلینمه‌گن ییر حقیده معلومات آلیش کیره‌ک، اگر بو ییر امیرلیک ییری بولسه، اونی اوتکزیش اوچون امیرالمؤمنین حفظه‌الله حضرتلریدن رخصت آلیش کیره‌ک دیب ایتدی.

تیگیشلی متصدیلرگه اوّلا ریجه‌لرنی تیکشیریب، سونگ ذکر ایتیلگن ییرلرنی اميرالمؤمنين حفظه‌الله حضرتلریگه بیریشنی تکلیف قیلیشنی تاپشیردی.

نمایش بیشتر

نوشته های مشابه

دکمه بازگشت به بالا