سوو و انرژی وزیرلیگی و ابن سینا علمی-ایشلب چیقریش مرکزی اۉرتهسیده همکارلیک شرطنامهسی امضالندی

کابل ۲۵ قوس باختر
همکارلیک شرطنامهسینی سوو و انرژی وزیرلیگی نینگ سرپرستی ملا عبداللطیف منصور و ابن سینا علمی-تدقیقات مرکزی اجراچی باشلیغی اکرم عظیمی امضالهدی.
مذکور شرطنامه موافق، مذکور مرکز و سوو و انرژی وزیرلیگی بیلن انرژی بۉییچه علمی-تدقیقات مرکزلرینی تشکیل اېتیش، ضرور جهازلر بیلن تأمینلش، متخصص کادرلر تیارلش، برق انرژیسینی ایشلب چیقریش، رواجلنتیریش و اوزهتیش بۉییچه مصلحتلر، رېجهلر و تکلیفلر بېریش مقصدیده همکارلیک قیلهدی.
سوو و انرژی وزیرلیگی نینگ سرپرستی اوشبو شرطنامهنی امضالر اېکن، مملکتده انرژینی رواجلنتیریش مهم اهمیتگه اېگه اېکنلیگینی تأکیدلب، حاضر برچه افغانلر اوچون علمی تدقیقاتلر آلیب باریش و مملکتده انرژی ساحهسینی رواجلنتیریش نینگ باشقه دستورلرینی عملگه آشیریشگه ماس روشده ایشلش وقتی کېلگنینی تأکیدلهدی.
باشقه تاماندن، ابن سینا علمی-تدقیقات مرکزی متصدیلری انرژینی رواجلنتیریش بۉییچه علمی تدقیقاتلر آلیب باریش، لایحهلر، رېجهلرنی کوچهیتیریش و صلاحیتنی آشیریش دستورلرینی باشقهریشده همکارلیک قیلیشگه وعده بېردی.