ساغلیقنی سقلش وزیرلیگی نینگ افغانستان ساغلیقنی سقلش مرکزلریگه دارو-درمانلرنی اۉز وقتیده اېتکزیب بېریش بۉییچه سۉراوی

کابل ۲۰ جدی باختر
ساغلیقنی سقلش وزیرلیگی معینی لغمان ولایتیگه سفری چاغیده عملگه آشیرووچی مؤسسهلر وکیللریدن دارو-درمان، طبی اسباب-اسکونهلر و قیشکی جهازلرنی اۉز وقتیده یېتکزیب بېریشنی سۉردی.
ساغلیقنی سقلش وزیرلیگی مطبوعات خدمتی بوگون خبرنامهسیده ساغلیقنی سقلش معینی مولوی عبدالولی حقّانی و اونینگ همراهلیگیدهگی هیئت رسمی اوچرهشوو دایرهسیده یونیسف و اجراچی مسئول رسميلری بیلن اوچرهشیب، بحث قیلگنینی معلوم قیلدی.
اوشبو اوچرهشووده ساغلیقنی سقلش خدمتلرینی تأمینلش بۉییچه یونیسف وکالتخانهسی و هیلت نت عملگه آشیریش مؤسسهسی متصدیلریگه موجود ساغلیقنی سقلش معمالرینی حل اېتیش و طبی خدمتلر کۉرسهتیش جریانینی آسانلشتیریش بۉییچه ضرور کۉرسهتمهلر بېردی.
شونینگدېک، اجراچی مؤسسهلر وکیللریدن اۉز ذمّهلریگه یوکلهتیلگن وظیفهلرنی تۉغری بجریش، تدبیرکارلیک فعالیتیده شفّافلیکنی تأمینلش، دارو-درمان، طبی اسباب-اسکونهلر و قیشکی جهازلرنی یېتکزیب بېریشده اۉز وقتیده چاره کۉریشنی سۉردی.
باشقه تاماندن، یونیسف وکالتخانهسی و هیلت نت عملگه آشیرووچی مؤسسهسی وکیللری اۉز بۉلیملری فعالیتی بیلن اۉرتاقلشیشدن تشقری، موجود ساغلیقنی سقلش معمالرینی تېز حل اېتیشنی کفالتلهدیلر.