سابق ساوېت اتفاقی نینگ ۶ جدی‌گه تجاوزی مناسبتی بیلن اسلام امیرلیگی نینگ اعلامیه‌سی
کابل ۶ جدی باختر
بسم الله الرحمن الرحیم
بوندن قیرق بېش ییل اوّل، ۱۳۵۸-ییل ۶-جدی کونی سابق ساوېت قیزیل اردوسی اۉز قۉل آستیده‌گی عسکرلری بیلن بیرگه‌لیکده افغانستانگه باستیریب کیردی.
بو افغانلر نینگ دینی، اېرکینلیگی، یشهش جایی و اجتماعی خوفسیزلیگی کبی همه نرسه خوف و تهدیدلرگه دوچ کېلگن پیت اېدی. الحمدالله، مرد افغان خلقی بو باسقینچیلیک قرشیسیده جیم اۉتیرمه‌ی، بیر آوازدن، بیردملیک و جسارت بیلن قیزیل اردوگه قرشی توریب، جهاد یۉلیده باشینی، بایلیگینی، بار نرسه‌سینی فدا قیلدی.
افغانلر نینگ قربانلیکلری، هجرتلری، شهیدلیکلری و چرچاقلری نتیجه‌سیده الله تعالی نینگ یاردمی بیلن ۹ ییلدن سۉنگ بیر کون کېلدیکی، مغرور قیزیل اردو عسکرلری افغانستانده خارلیک بیلن یېنگیلدی و افغانستاندن قاچیب کېتدی.
بو جریان افغانلر دیندار خلق اېکنلیگینی، اولر اوچون اېرکینلیک و مستقللیک قدرلی اېکنینی، اۉز اعتقادلرینی حمایه قیلیش اوچون همه نرسه‌دن اۉتیشینی اثباتله‌دی.
بو غرورلی خلق همیشه اۉز دینیده مغرور، بیردم و ثابت بۉلیب قاله‌دی. ان‌شاءالله تعالی
افغانستان اسلام امیرلیگی سابق ساوېت اتفاقی نینگ ۶-جدی‌ده‌گی تجاوزینی قاره‌له‌یدی و افغانلر نینگ اونگه قرشی جهاد و فداییلیک کۉرسه‌تگنیدن فخرلنه‌دی همده آزادلیک یۉلیده‌گی برچه شهیدلر و ساوېت تجاوزیگه قرشی جهاد اوچون دعالر تیله‌یدی.
بو هم کېله‌جک اولادلرگه اۉز دینینی، وطنینی حمایه قیلیش یۉلیده همیشه اجدادلر یۉلیدن باریب، هر قنده‌ی باسقین و ظلمگه قرشی مردانه‌وار توریشی ضرورلیگینی انگلب اېته‌دی.
افغانستان اسلام امیرلیگی
