دنیا/جهانTOPینگی‌لیک/اخبار

روسيه اوزی نینگ تاکتیک هستوی قوراللرینی بیلاروسده جایلشتیریش جریانینی یکونله‌دی

 

کابل، ۵ جدی، باختر
روسيه بیلاروسده تاکتیک هستوی قوراللرینی جایلشتیریشنی یکونله‌دی، الکساندر لوکاشنکو؛ بلاروس جمهور رئیسی  بو خبرنی تصدیقله‌دی.

بلاروس – اوکراین بیلن اوروشده روسيه‌ نینگ اساسی اتفاقچیسی

«تاس» اخبارات آژانسی نینگ خبر بیریشیچه، لوکاشنکو اوز چیقیشیده مملکتده بونده‌ی قوراللر اورنه‌تیلگنی و همه‌ نرسه‌ اوز جاییده و یخشی حالتده ایکنلیگینی تصدیقله‌دی.

شونینگدیک، لوکشنکو بلاروس اردوسی حربی خدمتچیلری هر کونی منتظم مشغولاتلر و مانورلردن اوتیشینی ایتدی.

شو بیلن بیرگه‌، ولادیمیر پوتین؛  روسيه جمهور رئیشی ۲۵ مارچ کونی مسکو مینسک التماسیگه بناءً بلاروسده تاکتیک هستوی قوراللرینی جایلشتیریشینی و امریکا قوشمه‌ شتاتلری (ایالتلری) اوزاق وقت آلدین اتفاقداشلری حدودیده عملگه آشیرگن حرکتلرگه اوخشه‌شینی اعلان قیلدی.

مسکو اوّلراق مینسکنی هستوی کلّکلرینی آلیب یوریشگه قادر بولگن «اسکندر» تاکتیک راکت‌لری بیلن تامینله‌گن و مملکتگه اوز قیرووچیلرینی مخصوص کلّکلرنی آلیب اوتیش اوچون قَیته جهازلش دستوریده یاردم بیرگن.

نمایش بیشتر

نوشته های مشابه

دکمه بازگشت به بالا