کابل ۱۶ سرطان باختر
شهرسازلیک و اوی-جای قوریش وزیرلیگی مطبوعات خدمتی بوگون اوشبو اخبارات نامهسیده اعلان قیلیشی بیلن معلوم قیلیشیچه، دامان اهالی پونکتلری اوچون ییر تقسیملش کمیتهسی قندهار نینگ دامان تومنیده باشپناهسیز عایلهلر اوچون شهرچه قوریش نامی آستیده اوزی نینگ ۱۰-ییغیلیشینی اوتکزدی.
دستلب، انرژی و سوو وزیرلیگی وکیللری دامان تومنیده ییر آستی سوولری نینگ مقداری و صفتینی اورگنیش بوییچه آلیب باریلگن اورگنیشلر، بو حدود نینگ ییر آستی سوولری ایچیملیککه یراقلیلیگی و سوو نینگ ۳۵، ۴۰ متر چوقورلیکدن تأمینلنیشی حقیده توشونتیریش بیردی.
شهرسازلیک و اوی-جای قوریش وزیرلیگی نینگ سرپرست وزیری همده اوشبو کمیته باشلیغی شیخ حمدالله نعمانی انرژی و سوو وزیرلیگی نینگ اورگنیش نتیجهلرینی تینگلب، وزیرلیک و ادارهلرگه، شو جملهدن کمیتهگه هر بیر بولیمگه تیگیشلی وظیفهلرنی یوکلهدی.
شهرسازلیک و اوی-جای قوریش وزیرلیگی نینگ سرپرست وزیری شیخ حمدالله نعمانی عملی چاره-تدبیرلرنی تیزده باشلش و بو اهالی شهرچهسی قیسقه مدتده حیاتگه شَی بولیشی کیرهکلیگینی تأکیدلهدی.
کیلهسی هفتهده قندهار نینگ دامان تومنیده باشپناهسیز عایلهلر اوچون اهالی شهرچهسی برپا ایتیلیشی ریجهلشتیریلگن و ایچیملیک سووی بیلن تأمینلش بوییچه دستلبکی ایشلر باشلنهدی.
