خوست ولایتی نینگ ځاځی تومنیده آلتیته ملی و زیربنایی لایحهنی عملگه آشیریش ایشی باشلندی

خوست ۲۶ عقرب باختر
خوست ولایت حاکمی نینگ اورینباسری اوشه ولایت نینگ ځاځی تومنی آقسقاللری و اهالیسی بیلن اوچرهشوویده اوشبو تومنده اون تورتته ملی و زیربنایی لایحهلری معقوللنگنی، اولردن آلتیتهسی بوییچه ایشلر باشلنگنی حقیده گپیردی.
باختر آژانسیگه خبریگه کوره: بو اوچرهشووده خوست ولایت حاکمی اورینباسری مولوی محبوب شاه قانت ځاځی تومنی اهالیسی نینگ ۲۰ ییللیک جهاد دوامیده ایریشگن یوتوقلری و قربانلیکلرینی تیلگه آلیب، حاضر قول قاووشتیریب مملکتیمیز رواجیده فعال اشتراک ایتیب، اسلام تیزیمینی سهقلب قالیشگه حرکت قیلیلیک دییه سوز یوریتدی.
او خوست محلی مأموریتی نینگ اوشبو ولایت اهالیسی بیلن سعی-حرکتلریگه ایشانتیردی و اولر اوشبو ولایت اهالیسی نینگ احتیاجلرینی قاندیریش اوچون کوپراق لایحهلرنی عملگه آشیریشلری کیرهکلیگینی تأکیدلب، و ینه قوشیمچه قیلدیکی، آلتی لایحهلر قطاریدن ینگی بنا قوریلیشی و ستیوال کوپریگی، چنارکی کوپریگی، ځاځی تومنی مرکزیدهگی جامع مسجدی، ساغلاملشتیریش مرکزی، مکتبنی تامیرلش، اوشه تومندهگی ییریک دینی مکتب و باشقه بولیملر، قالگن لایحهلر بوییچه هم تیز آرهده ایش باشلنهدی
ځاځی تومنی مرکزی جامع مسجدی نینگ خطیبی صاحب نور اوشه تومن اهالیسی نامیدن سوزگه چیقیب، خوست ولایتی حاکمی اورینباسری نینگ اعتباری اوچون منّتدارچیلیک بیلدیردی و اوشه تومن اهالیسی نینگ اسلامی توزومنی قوللب-قوّتلشیگه ایشانتیردی.
خوست ولایتی حاکمی اورینباسری رئیسلیگیده عالی حضرتلری اميرالمؤمنين حفظهالله تامانیدن ځاځی تومنی اهالیسی نینگ معمالرینی اورگنیش و حسابات تقدیم ایتیش اوچون کمیته تشکیل ایتیلگن ایدی.