حج و اوقاف وزیرلیگی نینگ سرپرست وزیری اسلام دولتلرینی بیرلشیشی و مسلمانلر معمالرینی حل قیلیش اوچون همکارلیک قیلیشگه چقیردی

کابل ۴ سنبله باختر
حج و اوقاف وزیرلیگی نینگ سرپرست وزیری، تورکيه دین ایشلری باشقرمهسی باشلیغی اورینباسری بیلن بولیب اوتگن اوچرهشوویده اسلام دولتلرینی مسلمانلر نینگ بیرلیگی و معمالرینی حل قیلیش بارهسیده بیرگهلیکده حرکت قیلیشگه چقیردی.
حج و اوقاف وزیرلیگی نینگ مطبوعات خدمتی باختر آژانسیگه یازگن مکتوبیده شیخ الحدیث، باش تدقیقاتچی دکتور مفتی نور محمد ثاقب، حج و اوقاف وزیرلیگی نینگ سرپرست وزیری، پروفیسور سلیم ارگون بیلن اوز دفتریده، تورکيه دین ایشلری بولیمی باشقرمهسی نینگ اورینباسری و هیئت همراهلیگی بیلن اوچرهشدی.
بو اوچرهشووده حج و اوقاف وزیرلیگی نینگ سرپرست وزیری، تورکيه نینگ عالی مرتبهلی علما و رسميلری نینگ کیلیشی افغانستان اسلام امیرلیگی بیلن یقین و مستحکم علاقهلرنی کورسهتهدی، دیدی.
ثاقب یقینده تورکيهگه قیلگن سفرینی هم تیلگه آلیب، اسلام عالمی دولتلری آرهسیده تورکيه نینگ اورنی و قدر-قیمتی کتّه ایکنلیگینی، استانبول شهریده اسلام عالمی علمالری نینگ مصلحت انجمنی تشکیل ایتیلگنی بونگه یقّال مثال ایکنینی تأکیدلهدی.
اسلام دولتلرینی مسلمانلر نینگ بیرلیگی و معمالرینی حل قیلیش بارهسیده بیرگهلیکده حرکت قیلیشگه چقیردی.
او قوشیمچه قیلدی: الحمدالله، افغانستانده اسلام و شریعت توزومی اورنهتیلدی و اسلام اولکهلریدن، خصوصاً تورکيهدن اسلام امیرلیگی بیلن اوّلگیدن هم کوپراق ایجابی و دايمی علاقهلرینی دوام ایتتیریشلرینی سوردی.
تورکيه دین ایشلری بوییچه اورینباسری اسلام امیرلیگی نینگ افغانستاندهگی سونگگی ترقیاتی و یوتوقلرینی یوقاری بهالب، هم دوست، هم اسلام دولتلری نینگ دینی، مدنی و دینی مسألهلرده اوخشش تامانلری بارلیگینی و بو مناسبتلرنی ینهده مستحکملش و رواجلنتیریش مقصدیده وکیللر ایکّی دولت نینگ دوستانه مناسبتلری و اوچرهشوولری اوّلگیدن کوره کوپراق بولیشی بوییچه تأکیدلهدی.
او اوز سوزیده برچه اسلام دولتلری، جملهدن تورکيه هم اسلام امیرلیگی بیلن تورلی ساحهلرده همکارلیکنی دوام ایتتیریشی کیرهکلیگینی قوشیمچه قیلدی.