ینگی‌لیک/اخبارسیاستTOP

حج و اوقاف وزیرلیگی نینگ سرپرست وزیری تورکيه‌ نینگ کابلده‌گی ایلچیخانه‌سی نینگ شارژدافیری بیلن اوچره‌شدی

 

کابل ۹ جوزا باختر
شیخ الحدیث، فیقه فنلری بوییچه‌ باش تدقیقاتچی دکتور مفتی نور محمد ثاقب، حج و اوقاف ایشلری وزیرلیگی نینگ سرپرست وزیری، تورکيه ایلچیخانه‌سی نینگ ایلچیسی جنک اونال بیلن اوچره‌شیب، صحبتلشدی.

بو حقده بوگون حج و اوقاف وزیرلیگی مطبوعات خدمتی خبر بیردی:

اوشبو اوچره‌شووده تورکيه ایلچیخانه‌سی نینگ شارژدافیری افغانستان اسلام امیرلیگی نینگ سونگگی یوتوقلری و اوزگریشلریدن ممنون بولیب، افغانستان و تورکيه اورته‌سیده‌گی دینی و مدنی علاقه‌لرنی مهم‌ دیب اته‌دی و شونده‌ی دیدی: «افغانستان‌لیکلر و تورکلر بیر-بیریلری بیلن دینی علاقه‌لری بوییچه بیردیر. اسلام امیرلیگی اوز بختینی اظهار ایتیب، همکارلیکنی ینه‌ده کینگه‌یتیریشگه اورغو بیردی.»

او قوشیمچه‌ قیلدی: بیز مملکتیمیز دین ایشلری (دیانت) باشقرمه‌سی آرقه‌لی حج، مسجد و باشقه‌ دینی ساحه‌لرده دایمی همکارلیککه ایگه‌ بولیشنی ایسته‌یمیز.

سونگره‌، حج و اوقاف وزیری تورکيه ایلچیخانه‌سی نینگ شارژدافیرینی قوتلر ایکن، اونینگ یخشی فکریدن ممنونلیگینی بیلدیردی و اسلام امیرلیگیده‌گی بویوک و مهم‌ واقعه‌لرگه آیدینلیک کیریتیب، یقینده قیلگن سفرینی ایسله‌تدی. تورکيه‌گه و اولر نینگ اسلام عالمی علمالری نینگ مصلحت کنفرانسیده قتنه‌شیشی و تاریخی استانبول شهریده باشلنگن اسلام مملکتلری علمالری نینگ مصلحت کنفرانسینی تشکیل ایتیش جوده‌ قیمتلی و مهم‌ دیب، اوشبو کنفرانس نینگ فلسطین اوچون جوده‌ فایده‌لی نتیجه‌لر بولیشی اوستیگه توخته‌لیب اوتدی.

حج و اوقاف وزیرلیگی نینگ سرپرست وزیری اسلام دولتلری اورته‌سیده بونده‌ی مهم‌ و قیمتلی دینی اوچره‌شوو و کنفرانس اوتکزیشنی جوده‌ ضرور دیب اته‌دی.

اوشبو اوچره‌شووده باشقه‌ مهم‌ دینی مسأله‌لر قطاری دینی و علمی علاقه‌لرنی مستحکملش و رواجلنتیریش، ایکّی دولت علمالری اورته‌سیده فکر المشیش و باشقه‌ مهم‌ مسأله‌لر بحث قیلیندی

نمایش بیشتر

نوشته های مشابه

دکمه بازگشت به بالا