TOPینگی‌لیک/اخبارسپورت

جهان قهرمانلیگی جامی و فوتبال بوییچه‌ آسیا ملتلر جامی‌ نینگ سره‌لش؛ افغانستان – کویت

 

کابل ۲۲ جوزا باختر
فوتبال بوییچه‌ افغانستان ملی تیرمه جماعه‌سی ایکّینچی و سونگگی اویینیده جهان قهرمانلیگی نینگ ایکّینچی سره‌لش باسقیچی و آسیا ملتلر جامی‌گه یوللنمه بیرووچی کویتگه قرشی میدانگه توشه‌دی.

اوشبو اویین بوگون تونده کابل وقتی بیلن ۲۰:۱۵ ده کویتده‌گی صباح السالم استدیونیده بولیب اوته‌دی.

ملی تیرمه جماعه‌ بیرینچی باسقیچده یارقین نتیجه‌لرگه ایریشه آلمه‌گنی و اولرنی جهان قهرمانلیگی و آسیا ملتلر جامی‌گه یوللنمه آلیش اوچون قیین یول ده تورگنی اوچون بو اویینلر نینگ ایکّینچی باسقیچیگه قدم قویماقده.

بیراق بو باسقیچده افغانستان بیرینچی اویینده آسیا قهرمانی قطرنی حسابسیز دورنگ بیلن توخته‌تیب، قیمتلی نمره‌گه ایگه‌ بولدی.

افغانستان فوتبال فدراسیونی باختر آژانسیگه معلوم بیریشیچه، ملی تیرمه جماعه‌ اوشبو نازک اویینگه تولیق تیارگرلیک و قیزغین مشغولاتلر بیلن کیریشه‌دی.

فوتبال بوییچه‌‌ افغانستان ملی تیرمه جماعه‌سی باش مربی اشلی وستوود اوز جماعه‌سی نینگ کویتگه قرشی اویینی آلدیدن اوتکزیلگن مطبوعات انجمنیده شاگردلری آسیا فوتبالی نینگ قدرتلریدن بیری بیلن توقنه‌ش کیلیشگه تیار ایکنینی ایتدی.

اونینگ سوزلریگه کوره‌، اولر افغانستان ملی فوتبال تیرمه جماعه‌سی اوچون تاریخ یره‌تیش، جهان چمپیاناتی و آسیا ملتلر جامی‌ده قتنه‌شیش اوچون حرکت قیلیشماقده.

اگر افغانستان بو اویینده غلبه‌ قازانسه، آسیا ملتلر جامی و جهان قهرمانلیگی نینگ کیینگی سره‌لش باسقیچیگه یول آله‌دی. افغانستان – کویت بیلن دورنگ اوینه‌سه، هندوستان قطرگه یوتقزگن تقدیرده هم ملی تیرمه جماعه‌میز کیینگی باسقیچگه چیقیشی ممکن.

نمایش بیشتر

نوشته های مشابه

دکمه بازگشت به بالا