جنوبی آفریقا بیلن خلق‌ارا کرکت اویینلریده افغانستان قهرمانلیگی
کابل ۳۱ سنبله باختر
افغانستان کرکت تیرمه جماعه‌سی جنوبی آفریقاگه قرشی اوچته خلق‌ارا اوییندن ایکّیته‌سیده غلبه قازانیب، اوشبو جام غالبی بولدی.
افغانستان تیرمه جماعه‌سی توناون کیچه جنوبی آفریقا تیرمه جماعه‌سی اوستیدن ایکّینچی غلبه‌سینی قولگه کیریتدی و اوشبو اویینلرده قهرمانلیگی نی تصدیقله‌دی.
توناون کیچقورون افغانستان اوییننی آچدی و فقط تورتته سپورتچیسی نینگ یوقاتیشی بیلن جنوبی آفریقاگه ۳۱۲ مقصد قویدی. بیراق جنوبی آفریقا برچه اون کیشی کرکتچیلرینی یوقاتدی و اتیگی ۱۳۴ نمره توپله‌دی و مغلوب بولدی.
متخصصلر نینگ فکریچه، بو افغانستان کرکت تیرمه جماعه‌سی تاریخیده‌گی اینگ یخشی اویینلردن بیری بولگن.
اوشبو اویینده بیرلشگن، تولیق ریجه و فکرگه ایگه بولگن تیرمه جماعه جهان نینگ کرکت کوچلریدن بیری بیلن توقنه‌ش قیلدی.
باختر آژانسیگه نینگ خبریگه کوره، رحمان الله گربز بو اویینده افغانستان نینگ سوزسیز یولدوزی بولیب، توپ‌اوریشده بیر اوزی افغانستانگه ۱۰۵ نمره توپله‌دی.
شونینگدیک، عمرزی مکمل توپ‌اوریشده میدانگه توشدی و اوز مملکتی اوچون ۸۶ نمره توپلشگه موفق بولدی.
بیراق راشد خان و خروتی توپ‌تشلشده پارلشدی و ماس روشده بیش و تورت جنوبی آفریقالیک اویینچینی اوییندن چیتله‌تیشدی.
جنوبی آفریقاگه قرشی هم ۱۷۷ نمره فرق بیلن غلبه قازانیش کتّه یوتوق و شرَف دیر.
بیراق افغانستان جنوبی آفریقاگه قرشی اوچینچی اویین نینگ ایکّیته‌سیده غلبه قازاندی و ایرته‌گه ایکّی جماعه نینگ اوچینچی اویینی طنطنه‌لی طرزده اوته‌دی.
