فیروزکوه ۱۶ اسد باختر
غور ولایتیدهگی جام تاریخی منارهسی یانیده یقینده یوز بیرگن سوو تاشقینلری نتیجهسیده قالگن چوکیندیلرنی تازهلش ایشلری یکونلندی.
غور اخبارات و مدنیت باشقرمهسی باشلیغی مولوی عبدالحی زعیم باختر آژانسیگه ایتیشیچه یقینده جام منارهسی اطرافیدهگی سوو تاشقینلری نتیجهسیده اوشبو تاریخی مناره یانیدهگی دریا بوتونلی چوکیندیلرگه تولیب کیتگنینی، بو ایسه بو قدیمی مناره یقینیده سوو تاشقینی خوفینی آشیرگنینی ایتدی.
اونینگ قوشیمچه قیلیشیچه، خیریتکی، بو دریا نینگ چوکیندیلردن تازهلنیشی بیلن جام منارهسی نینگ ویرانهگرچیلیک و قولهش خوفی معلوم درجهده کمهیدی.
غور ولایتی نینگ اخبارات و مدنیت باشقرمهسی نینگ باشلیغی اوشبو تاریخی میراثنی حمایه قیلیش اوچون حاضرگی سهقلاوچی و حمایه دیوارلری ییترلی ایمسلیگینی و بو تاریخی منارهنی سوو تاشقینی دیب اتهلووچی حادثهلر اونینگ اساسی قِسمیگه ییتیب بارمسلیگی اوچون ینهده مستحکمراق حمایه قیلیش اوچون کوپراق استحکاملر قوریش ضرورلیگینی تأکیدلهدی.
شونینگدیک، جام مناری یانیدهگی چوکیندیلرنی تازهلشگه مسوول بولگن BRD مؤسسهسی اورینباسری نیک محمد سلیمی شوندهی دیدی: «اوشبو لایحه يونسکو تامانیدن مالیهلشتیریلگن و بو لایحه نینگ ایشی بیر آی ایچیده یکونلندی.
