تورکمنستان نفت و گاز وزیری اورین‌باسری اسلام امیرلیگی نینگ تاپی لایحه‌سی بیلن باغلیق سعی-حرکتلری یوقاری بهاله‌دی
کابل ۱۰ حوت باختر
افغانستان تشقی ایشلر وزیرلیگی نینگ سرپرست وزیری مولوی امیرخان متقی تورکمنستان وزیرلر کینگشی نینگ نفت و گاز مسأله‌لری بوییچه وزیری اورین‌باسری باتر آمانوف بیلن اوچره‌شدی.
بو اوچره‌شووده تامانلر تاپی و سویولتیریلگن گازنی افغانستانگه اوتکزیش مسأله‌لرینی هر تامانله‌مه بحث قیلدیلر.
متقی بو شرحده ایتدی؛ تورکمنستان تشقی ایشلر وزیری نینگ هرات ولایتیگه تشریفیدن سونگ افغانستانده تاپی لایحه‌سینی عملگه آشیریش جدللشگنیدن خورسندمیز.
اونینگ قوشیمچه قیلیشیچه، اسلام امیرلیگی تاپی لایحه‌سینی عملگه آشیریشگه قطعی صادقدیر و هرات ولایتیگچه بولگن قووور نینگ بیرینچی باسقیچی تیز آره‌ده باشلنیب، یکونلنیشیگه امید بیلدیردی.
شو بیلن بیرگه، تورکمنستان وزیرلر کینگشی اورین‌باسری انرژی اوزه‌تیش، خصوصاً، تاپی لایحه‌سی تورکمنستان حکومتی اوچون علیحده اوستوار اهمیتگه ایگه ایکنلیگینی ایتدی.
شونینگدیک، او تاپی لایحه‌سینی هرات ولایتیگه هم کینگه‌یتیریش حکومت اوچون علیحده اهمیتگه ایگه ایکنلیگینی ایتدی.
آمانوف افغانستان حکومتی نینگ تاپی لایحه‌سی بیلن باغلیق سعی-حرکتلریگه منّتدارچیلیک بیلدیریب، اسلام امیرلیگی نینگ بو باره‌ده‌گی سعی-حرکتلری و سعی-حرکتلرینی مهم دیب اته‌دی.
وزیرلر کینگشی وزیری اورین‌باسری تاپی لایحه‌سی بوییچه کیلیشوولر تیز آره‌ده یکونلنیشیگه، افغانستان حدودیده تاپی قوووری آچیلیشیگه امید بیلدیردی.
