تعلیم وزیرلیگی نینگ سرپرستی تعلیم جریانینی ینهده کوچهیتیریش اوچون هلمندگه باردی

کابل ۱۸ قوس باختر
تعلیم وزیرلیگی نینگ سرپرستی مولوی حبیبالله آغا رسمی سفری چاغیده هلمند ولایتیگه تعلیم بیلن باغلیق وضعیتنی تېکشیریش اوچون باردی.
تعلیم وزیرلیگی مطبوعات خدمتی بوگون بو خبرنی اعلان قیلدی و اوشبو سفر دوامیده تعلیم وزیرلیگی نینگ سرپرستی اۉشه ولایت تعلیم باشقرمهسی باشلیغی مولوی محمد عوض انصاری و تعلیم باشقرمهسی متصدیلری بیلن اوچرهشوو اۉتکزدی.
اوشبو باشقرمه فعالیتی و یوتوقلری حقیده باتفصیل معلومات آلیش و فایدهلی فعالیتینی یوقاری بهالر اېکن، اۉشبو ولایتده تعلیم جریانینی امکان قدَر کوچهیتیریش مقصدیده قیمتلی فکرلر و ضرور بویروقلرنی تقدیم اېتیب، ویران بۉلگن مکتبلرنی تیکلشگه وعده بېردی. و همده ینگی مکتبلر قوریش و اۉشه ولایت تعلیم باشقرمهسی متصدیلریگه کسبی اۉقیتووچیلر ییتیشمسلیگی معمالرینی حل اېتیشینی ایتدی.
تعلیم وزیرلیگی نینگ سرپرستی هلمند ولایتیگه سفری چاغیده مذکور ولایتدهگی بیر قطار مدرسهلر و مکتبلرده بۉلیب، متصدیلر، اۉقیتووچی و اۉقووچیلر نینگ فکر و تکلیفلرینی تینگلهدی همده وزیرلیک رهبریتی بیلن همکارلیکده بۉلگن معمالرنی حل اېتیشده ایشانچ حاصل قیلدی.