تشقی ایشلر وزیرلیگی نینگ سرپرستی سعودی عربستان اېلچیسی بیلن ایکّی تامانلهمه مناسبتلرنی بحث قیلدی

کابل ۲۴ جدی باختر
تشقی ایشلر وزیرلیگی نینگ سرپرستی مولوی امیرخان متقی توناون سعودی عربستان پادشاهلیگی نینگ کابلدهگی اېلچیسی فیصل طلق البقمی بیلن اوچرهشدی.
وزیرلیک تامانیدن بېریلگن بیاناتده، اوچرهشووده کابل و رياض اۉرتهسیدهگی ایکّی تامانلهمه علاقهلرنی رواجلنتیریش، سعودی عربستان ده یشهیاتگن افغانلرگه قنسوللیک خدمتلرینی کۉرسهتیش و عموماً ایکّی تامانلهمه مناسبتلرده موجود امکانیتلردن فایدهلنیش مسألهلری بحث قیلیندی.
بو اوچرهشووده جناب متقی افغانستان و سعودی عربستان اۉرتهسیدهگی علاقهلرنی قیمتلی و تاریخی دېب تعریفلب، ایکّی دولت اۉرتهسیده هیئت المشینووی ضرورلیگینی تأکیدلهدی.
شونینگدېک، تشقی ایشلر وزیرلیگی نینگ سرپرستی سعودی عربستان حکومتیدن افغانلر اوچون حج و عمره کواتهلرینی آشیریش همده سعودی عربستان ده یهشاوچی افغانلرگه قنسوللیک خدمتلری کۉرسهتیشده یاردم بېریشنی سۉردی.
شو بیلن بیرگه، سعودی عربستان نینگ افغانستاندهگی اېلچیسی اوشبو اوچرهشووده افغانستان و سعودی عربستان اۉرتهسیدهگی ایکّی تامانلهمه مناسبتلرنی تاریخی دېب بهالهدی و اونینگ دولتی کابلدهگی موجودلیگی آرقهلی افغانلرگه تورلی ساحهلرده یاردم بېرماقچی اېکنینی تأکیدلهدی.
اونینگ قۉشیمچه قیلیشیچه، ایکّی دولت تورلی ساحهلرده ایشلهی آلهدی و اولر نینگ کابلدهگی اېلچیخانهسی فعالیتینی قَیته تیکلشدن مقصد برچه موجود امکانیتلردن فایدهلنیشدیر.