ترافیک تیربندلیگینی کمه‌یتیریش مقصدیده هرات پسته‌ چوکی نینگ آچیلیشی

 

هرات ۳۰ جدی باختر
هرات شهریده‌گی پسته‌ چارراهه‌سی نینگ نمبر بیر چوکی تۉرت میلیون افغانی خرجتی بیلن بیر تجارت شرکتی نینگ مالی یاردمی عوضیگه آچیلیب، فایده‌لنیشگه تاپشیریلدی.

اوشبو لایحه‌ هرات-کابل استراتژیک قتناو شاه یولیده‌گی تیربندلیکنی کمه‌یتیریشگه قره‌تیلگن.

هرات بلدیه‌سی نینگ مطبوعات کاتبی عبدالهادی نوری باختر اخبارات آژانسیگه بېرگن مصاحبه‌سیگه تجارت شرکتلری نینگ چوکلر قوریلیشیده‌گی همکارلیگیدن منّتدارلیگینی بیلدیریب، چوکلر نینگ آچیلیشی اوشبو گوجوم حدودده ترانسپورت تیربندلیگینی کمه‌یتیریشگه ثمره‌لی یاردم بېریشینی ایتدی.

هری دنیا شرکتی نینگ جماعتچیلیک بیلن علاقه‌لر بۉییچه‌ مدیری احمد سهیل شهاب هم اوشبو کورینیش لایحه‌ اوچ آی ایچیده تۉرت میلیونگه یقین افغانی مبلغ صرفلنگنینی تأکیدله‌دی.

هراتلیکلر اوشبو چوک نینگ آچیلیشیدن خورسند اېکنلیکلرینی ایتیب، اونینگ قوریلیشی باشلنگنیدن بویان حدودده یۉل-ترانسپورت حادثه‌لری و تیربندلیک بیرمونچه‌ کمه‌یگنینی ایتیشدی.

اولر، شونینگدېک، بیرینچی رقملی چارراهه‌ مهم‌ هرات-کابل قتناو شاه یولیده جایلشگنی و اوّلراق تیربندلیک طفیلی اولوسگه کۉپ معمالرنی کېلتیریب چیقرگنینی تأکیدله‌دیلر.

نمایش بیشتر

نوشته های مشابه

دکمه بازگشت به بالا