بغلان پاسپورت آمریتی ۳ ییل ایچیده ۲۴۴ میلیون افغانیدن کوپراق درآمد قیلگن

پلخمری ۲۹ اسد باختر
سونگگی ۳ ییل ایچیده بغلان امنیه قوماندانلیگی نینگ پاسپورت آمریتی پاسپورت ترقهتیش آرقهلی ۲۴۴ میلیوندن آرتیق افغانی ییغگن.
بغلان امنیه قوماندانلیگی نینگ پاسپورت آمری عنایتالله فاروقی بو بارهده باختر آژانسیگه معلوم قیلیشیچه، اوشبو آمریت سونگگی ۳ ییل ایچیده ۴۶ مینگ و ۹۰۶ دانه پاسپورت ترقهتیب، ۲۴۴ میلیون و ۹۴۶ مینگ و ۵۰۰ افغانی درآمد ییغیب، حکومت خزینهسیگه اوتکزگن.
اونینگ قوشیمچه قیلیشیچه، بغلان پاسپورت ادارهسی کونیگه ۲۵۰ ته پاسپورت بیریش امکانیتیگه ایگه و خارجگه دوالنیش اوچون کیتهیاتگن بیمارلرگه اوستوار اهمیت بیرهدی.
شونینگدیک، بیر قطار بغلانلیکلر اوشبو اداره نینگ خدمت کورسهتیش اسلوبیدن ممنون بولیب، پاسپورت ترقهتیش جریانیده ضرور قولهیلیکلر یرهتیلگنینی ایتیشدی.