بغلان ده پسته کۉچتلرینی (درختلرینی) اېکیش جریانی باشلندی
بغلان ۱۴ قوس باختر
ایکینچیلیک، ییرلرنی سوغاریش و چارواچیلیک باشقرمهسی تامانیدن بغلان تومنیدهگی نهرین تومنیدهگی ۲۵ هکتار میدانگه پسته کۉچتلری اېکیش ایشلری باشلب یوباریلدی.
بغلان ایکینچیلیک باشقرمهسی مطبوعات بۉلیمی مسئولی محمد ولی امرخیل نینگ باختر آژانسیگه معلوم قیلیشیچه، نهرین تومنیدهگی دوآب قیشلاغیده ۲۵ هکتار یېرگه پسته کۉچتلری اېکیش جریانی باشلنگن و بو نینگ اوچون صرفلنگن مبلغلر ایکینچیلیک وزیرلیگی و تامانیدن تۉلهنهدی.
اوشبو لایحهنی عملگه آشیریشدن مقصد پستهزارلرنی کېنگهیتیریش، سوو تاشقینلری نینگ آلدینی آلیش و یېر آستی سوولرینی مستحکملشدن عبارت اېکنلیگینی معلوم قیلدی. اونینگ سۉزلریگه کۉره، مذکور لایحهده ۱۳۲ کیشی توغریدن ایش بیلن تأمینلنگن.
شو بیلن بیرگه، نهرین تومنی اهالیسی ایکینچیلیک باشقرمهسی نینگ اوشبو تدبیریدن خورسند بۉلیب، اوشبو لایحهلرنی بغلان شهری نینگ باشقه حدودلریده هم کېنگهیتیریش ایستهگینی بیلدیردی.
