بغلانده فتح حرکتی نینگ اوچ ییللیگی شرَفیگه تونگی احتفال بولیب اوتدی
کابل ۹ سنبله باختر
بغلان ولایتی اخبارات و مدنیت باشقرمه‌سی تامانیدن فتح نینگ اوچ ییللیگی مناسبتی بیلن کیچه دوام ایتگن شاعرلیک احتفال دستوریده ولایت نینگ تورلی حدودلریدن اونلب شاعرلر، یازووچیلر، دین علمالری، عالی اوقوو یورت اوقیتووچیلری، یاشلر، متصدیلر قتنشدی.
بغلان ولایتی اخبارات و مدنیت باشقرمه‌سی نینگ باشلیغی احتفال نینگ آچیلیشیده اوشبو ولایتده ادبیات رواجی باره‌سیده کینگ کولملی ایشلر عملگه آشیریلگنی، جمعیتنی اصلاح قیلیش مقصدیده شاعرلرگه اوز ایچکی تویغولرینی خلققه ییتکزیش امکانیتی یره‌تیلگنینی تأکیدله‌دی.
او اوز نطقیده افغانستان اسلام امیرلیگی نینگ قَیته تیکلنیشی بیلن شاعر و یازووچیلر مقّدس آزادلیک اوچون داستانلر یازه‌یاتگنی، غرب دموکراسیگه قرشی کوره‌ش ایسه اولر نینگ شعر و یازوولری نینگ بیر قِسمی ایکنینی قوشیمچه قیلدی.
بو مشاعره‌ده بغلان نینگ تورلی بورچکلریدن کیلگن پشتون، دری، اوزبیک و هزاره شاعرلری شعرلر اوقیدیلر، بو کوتریلیش اجتماعی معمالر، وطنپرورلیک، ملتپرورلیک تویغولری نینگ اوز افاده‌سی ایدی.
اوشبو مشاعره‌ده قتنشگن شاعر حاجی ذکرالله ملنگ نینگ ایتیشیچه، هر قنده‌ی بیره‌مده اوتکزیله‌دیگن بونده‌ی کیچه مشاعره‌لری شاعرلرگه ینه‌ده کوپراق شعر یازیشگه روح بغیشلشینی تأکیدله‌دی.
