ینگی‌لیک/اخبارجمیت/جامعه

بغلان‌ده سوو تاشقینیدن زیان کورگن اونلب عایله‌لرگه آزوق-اوقات و ناآزوق-اوقات محصولاتلری ترقه‌تیلدی

 

پلخمری ۱۹ جوزا باختر
بغلان ولایتی نینگ بغلان مرکزی تومنیده یقینده صادر بولگن سوو تاشقینیدن زیان کورگن اونلب عایله‌لرگه آزوق-اوقات و ناآزوق-اوقات یاردملری ترقه‌تیلدی.

آزوق-اوقات محصولاتلری (اون و گوروچ) و ناآزوق-اوقاتلری سوو ایدیشلری و قالین کبی محصولاتلرینی اوز ایچیگه آلگن اوشبو یاردملر لیرن مؤسسه‌سی تامانیدن ۹۰ عایله‌گه ترقه‌تیلدی.

اوشبو مؤسسه‌ نینگ بغلانده‌گی وکیلی اجمل مسعود نینگ ایتیشیچه، بو یاردملر لیرن مؤسسه‌سی دایره‌سیده خارجده‌گی افغانستانلیک عباسی تامانیدن زیان کورگنلرگه یوباریلگن و ترقه‌تیلگن.

عینِ پیتده بغلان مرکزیده فعال بولگن یاشلردن بیری سعید صالح یقینده بغلانده صادر بولگن سوو تاشقینلری بو تومن اهالیسیگه کتّه‌ مالی یوقاتیشلر کیلتیرگنینی، سرمایه‌دارلر و نادولتی تشکیلاتلر نینگ زیان کورگن عایله‌لرگه اساسی یاردم بیریشی ضرورلیگینی ایتدی.

ایسله‌تیب اوتمیز، یقینده مملکت نینگ بیر قطار ولایتلریده، جمله‌دن بغلانده صادر بولگن سوو تاشقینلری قربانلر کیلتیریش بیلن بیرگه‌، اوشبو ولایتلر اهالیسیگه هم مادّی ضرر ییتکزگن.

نمایش بیشتر

نوشته های مشابه

دکمه بازگشت به بالا