جمیت/جامعهینگی‌لیک/اخبار

بغلانده‌گی سوو تاشقینیدن جبرلنگنلرگه ۷ میلیوندن آرتیق افغانی یاردم کورسه‌تیلدی

 

کابل ۵ جوزا باختر
ایچکی ایشلر وزیرلیگی بغلانده‌گی سوو تاشقینلریدن جبرلنگنلرگه ۷ میلیوندن آرتیق افغانی یاردم کورسه‌تیشینی اعلان قیلدی.

بو حقده وزیرلیک مطبوعات کاتبی، مفتي عبدالمتین قانع باختر اخبارات آژانسیگه ایتدی؛ ۸۰ مینگ آمریکا دالری و ۱.۵ میلیون افغانی مبلغنی اوز ایچیگه آلگن اوشبو یاردملر بیر قطار ملی تدبیرکارلر و خیریه‌ تشکیلاتلری تامانیدن تاپشیریلیب، توناون او رهبرلیک قیلگن ایچکی ایشلر وزیرلیگی هیئتی تامانیدن مناسب انسانلرگه ترقه‌تیلدی.

شو مقصدده بغلانگه سفر قیلگن مفتی عبدالمتین قانع هم اوز گروهلرینی بهالش و گذرگاه نور تومنیده‌گی مناسب عایله‌لر تشخیصیدن سونگ یاردم ترقه‌تیلگنینی ایتدی.

اونینگ قوشیمچه‌‌ قیلیشیچه، بهالشدن سونگ محتاج عایله‌لر اوچ طایفه‌گه بولینگن و سوو تاشقینی عاقبتیده عایله‌ اعضالریدن اَیریلگنلر بیرینچی طایفه‌گه، جبرلنگنلر نینگ عایله‌لری ایکّینچی طایفه‌گه و آغیر احوالده بولگن عایله‌لر اجره‌تیلگن. اوچینچی طایفه‌لی لر ایسه اولر نینگ اویلری سوو تاشقینلری طفیلی ویران بولگن.

ایچکی ایشلر وزیرلیگی مطبوعات کاتبی، شونینگدیک، یاردم نینگ ایکّینچی پارتی سوو تاشقینیدن جبر کورگن باشقه‌ بعضی تومنلر، جمله‌دن، بورکه نینگ عایله‌لریگه ترقه‌تیلیشیگه ایشانتیردی.

ایتیش کیره‌ککی، یقینده بغلان و باشقه‌ بعضی ولایتلرده صادر بولگن سوو تاشقینلری آدملرگه کتّه‌ مادّی و شخصی یوقاتیشلرگه سبب بولدی.

نمایش بیشتر

نوشته های مشابه

دکمه بازگشت به بالا