کابل ۱۵ اسد باختر
افغانستان مرکزی بانکی مزاجلر (مشتریلر) حقوقلرینی حمایه قیلیش، ستندرد، خوفسیز، ماس و صفتلی بانک خدمتلرینی کورسهتیش مقصدیده پشتنی بانک نینگ عملیاتی بولیملری خادملری اوچون بیر کونلیک سمینار تشکیل قیلدی.
افغانستان مرکزی بانک مطبوعات خدمتی بوگون بو خبرنی اعلان قیلیب، اوشبو ورکشاپ اوّلیده افغانستان مرکزی بانک دفتری نینگ آمری فدا محمد فیضان، بانکلر اولوس نینگ مالی خدمتلردن فایدهلنیشلری و مملکت نینگ اقتصادی اوسیشیده مهم رول اویناشینی تأکیدلهدی؛ چونکه مالی خدمتلر اولوس نینگ اقتصادی فعالیتده اشتراک ایتیشیگه اساس بولیب، ایش اورینلری یرهتیش، جمعیتده درآمدلر تینگسیزلیگینی کمهیتیریش کبی ایجابی اورینگه ایگه.
فیضان مزاجلرنی قوللب-قوّتلش، ضرور بانک خدمتلرینی یرهتیش و اولوسگه مالی خدمتلردن فایدهلنیشنی تأمینلش افغانستان مرکزی بانکی نینگ اوستوار وظیفهلریدن ایکنلیگینی قوشیمچه قیلدی.
اوشبو ورکشاپ دوامیده دولت کریدیتینی رویخطگه آلیش و مالی خدمتلرنی رواجلنتیریش باش باشقرمهسی تامانیدن مزاجلر حقوقلرینی حمایه قیلیش و خادملر نینگ مراجعتلرینی کوریب چیقیش بوییچه معلوماتلر توپلمی تقدیم ایتیلدی.
اوشبو ورکشاپده «پشتنی بانک» سرپرست باشلیغی عبدالواحد رحیمی هم سوزگه چیقیب، اوشبو ورکشاپ تشکیلاتچیلریگه منّتدارلیک بیلن بانک سکتوری خدمتلرینی یخشیلش بوییچه بوندهی دستورلرنی دوام ایتتیریش مهملیگی و ثمرهدارلیگینی تأکیدلهدی.
