بامیان ولایتی‌ده باشلنغیچ مکتب قوریله‌دی
بامیان ۲۲ قوس باختر
بامیان نینگ ورس تومنیده باشلنغیچ مکتب نینگ تمل تاشی قۉییلدی.
بامیان ولایت مقامی مطبوعات کاتبی صبور فرزان سیغانی نینگ باختر آژانسیگه معلوم قیلیشیچه، اوشبو مکتب بناسی ۲ جریب ییر میدانیده بیر یریم میلیون افغانی محلی اهالی مالی کمه‌گیده قوریله‌دی.
اونینگ قۉشیمچه قیلیشیچه، مذکور مکتب بناسیده ۶ ته اۉقوو خانه‌سی، ۲ ته اداری خانه‌سی و باشقه ضرور طلبلر کۉریب چیقیلگن.
اونینگ سۉزلریگه کۉره، شو مناسبت بیلن اۉتکزیلگن طنطنه‌لی مراسمده بامیان ولایتی نینگ تعلیم باشقرمه‌سی باشلیغی قاری عنایت الله سهار اۉز سوزی‌گه اوشبو باشقرمه نینگ انجنیرلیک-تخنیکی گروهی اوشبو مکتب قوریلیشی نینگ باریشینی نظارت قیلیشیگه ایشانتیردی.
شونینگدېک، او قوریلیش ایشلری توگه‌گندن سۉنگ؛ مذکور مکتب ضرور جهازلر بیلن تأمینلنه‌دی و اهالیدن تعلیم نینگ جدل و صفتلی بۉلیشی اوچون اوشبو باشقرمه بیلن فعال همکارلیک قیلیشنی سۉردی.
