ینگی‌لیک/اخبارسیاستجمیت/جامعهTOP

بامیان ‌حاکمی اوچا اداره‌سی نینگ ینگی باشلیغی بیلن انسانپرورلیک یاردمی و اوشبو ولایت اهالیسی نینگ احتیاجلری حقیده صحبتلشدی

 

بامیان ۲۳ جوزجان باختر
بامیان ولایت حاکمی مولوی عبدالله سرحدی اوچا نینگ اوشبو ولایتده‌گی دفتری نینگ ینگی باشلیغی خانم میرنا آهو بیلن اوچره‌شوویده اوشبو ولایت اهالیسی نینگ انسانپرورلیک یاردمی و احتیاجلری حقیده گپیردی.

اوشبو اوچره‌شووده بیرلشگن ملتلر تشکیلاتی نینگ انسانپرورلیک یاردمینی موافقلشتیریش باشقرمه‌سی (اوچا) ینگی باشلیغی خانم میرنا آهو بامیان محلی حاکمیتی نینگ اعتباری و همکارلیگینی یوقاری بهالر ایکن، اوچا دفتری سونگگی سوو تاشقینلریدن ضررکورگنلرگه محلی مأموریتی رهبریتی نینگ کوردیناتوری و مصلحتی بیلن جبرلنگنلرگه بشردوستلیک یاردم کورسه‌تیشگه حرکت قیله‌یاتگنینی ایتدی.

خانم میرنا آهو، شونینگدیک، بامیان مرکزی و تومنلریده انسانپرورلیک یاردمی دوام ایته‌یاتگنینی اعلان قیلیب و اوچا دفتری اوشبو ولایت اهالیسی نینگ احتیاجلرینی قاندیریش اوچون فایده‌لی لایحه‌لرنی عملگه آشیریشگه صادق و قطعی ایکنینی قوشیمچه‌ قیلدی.

بامیان ولایت حاکمی مولوی عبدالله سرحدی هم بامیان حدودیده‌گی اوچا دفتری نینگ فعالیتی و خدمتلریدن ممنونلیگینی بیلدیردی و بوتون مملکت بویلب خوفسیزلیک تأمینلنیشی بیلن مؤسسه‌لر فعالیتی اوچون یخشی محیط یره‌تیلگنینی ایتدی.

مولوی سرحدی، شونینگدیک، بو ولایتده‌گی محتاجلرگه انسانپرورلیک یاردملرینی ترقه‌تیش و بامیان تومنلری یوللرینی، اینیقسه‌ سیل عاقبتیده ویران بولگن دره‌ شکاری یولینی ترمیملش و قَیته قوریشگه چقیردی.

نمایش بیشتر

نوشته های مشابه

دکمه بازگشت به بالا