باميانده صادر بولگن ترافیکی حادثه عاقبتیده بیش کیشی جان بیرگن

بامیان ۱۳ اسد باختر
بامیان نینگ شیبر تومنیده صادر بولگن یول-ترانسپورت حادثهسیده ۵ کیشی جان بیریب ینه ۲ کیشی جراحت آلگن.
باختر آژانسیگه کوره؛ بامیان ولایت مطبوعات کاتبی صبور فرزان سیغانی باختر آژانسیگه شوندهی دیدی: بو ترافیکی حادثه نینگ شیبر تومنیدهگی پایموری حدودیده کرولا موتری آغیر یوک موتری بیلن توقنهشیب کیتگنیده صادر بولگن.
سیغانی نینگ قوشیمچه قیلیشیچه، بامیان ولایت حاکمی مولوی عبدالله سرحدی و اوشبو ولایت امنیه قوماندانلیگی نینگ جنایی جنایتلرگه قرشی کورهش باشقرووی اوشبو یول-ترانسپورت حادثهسیدن خبر تاپگندیک واقعه جاییگه ییتیب بارگن و وضعیتنی دقّت بیلن اورگنگن.
بامیان ولایت مطبوعات کاتبی جراحتلنگنلر دوالنیش اوچون بامیان ولایتی کسلخانهسیگه آلیب کیتیلگنینی قید ایتدی.
شونینگدیک، بامیان یول ترافیکی باشقرووی خادیمی اوشبو حادثهگه کرولا هیداوچیسی نینگ اعتبارسیزلیگی سبب بولگنینی ایتیب، یول-ترانسپورت حادثهلری نینگ اکثریتی یول نینگ بوزیلیشی، یول حرکتی قاعدهلریگه رعایه قیلمسلیک و هیداوچیلر نینگ احتیاطسیزلیگی طفیلی صادر بولیشینی قوشیمچه قیلدی.