ینگی‌لیک/اخبارسیاستجمیت/جامعهTOP

باش وزیر اداره‌سی نینگ اقتصادی اورین‌باسری، ملا عبدالغنی برادر آخوند بغلان ولایتی علمالر کینگشی اعضالری بیلن اوچره‌شدی

 

کابل ۲۵ ثور باختر
بغلان ولایتیده بولیب اوتگن اوچره‌شوویده بغلان علمالر کینگشی رئیسی شیخ کماالدین، علمالر کینگشی اورین‌باسری شیخ عبدالحی صالحی و کینگش نینگ باشقه‌ اعضالری اشتراک ایتدیلر. بغلان ولایتی علمالر کینگشی باشلیغی اوز سوزیده مملکتده اسلامی توزوم حکمرانلیگی، جهان خوفسیزلیگی تأمینلنه‌یاتگنی، اسلام امیرلیگی نینگ تورلی ساحه‌لرده‌گی یوتوقلری و اولر نینگ یخشی خلق-اطواریدن ممنونلیگینی بیلدیردی.

شونینگدیک، او اسلام امیرلیگی رهبریتی نینگ یقینده صادر بولگن سوو تاشقینیدن جبر کورگن فقرالرگه همدردلیگی، اوز وقتیده یاردم کورسه‌ته‌یاتگنی و معمالرنی برطرف ایته‌یاتگنینی یوقاری بهاله‌دی و بغلان ولایتی اهالیسی اسلام امیرلیگی طرفداری و اونی قوللب-قوّتلشیگه ایشانتیردی.

شوندن سونگ، باش وزیر اداره‌سی نینگ اقتصادی اورین‌باسری ملا عبدالغنی برادر آخوند اوز نطقیده بغلان ولایتیده صادر بولگن سوو تاشقینلری عاقبتیده کوپلب انسانلر جان بیریب، یورتداشلریمیز کتّه‌ مادّی ضرر کوردی. بیز بو فاجعه‌لی واقعه‌دن قتّيق تأثیرلنیب، اوز جانلرینی قولدن بیرگنلرگه جنت الفردوس تیلیمیز و کیینگه قاگنلریگه ایسه چیدم، و جراحتلنگنلرگه ایسه الله نینگ درگاهیدن تیزراق ساغه‌ییب کیتیشینی تیله‌ب دعا قیله‌میز.

باش وزیر اداره‌سی نینگ اقتصادی اورین‌باسری قوشیمچه‌‌ قیلدی: بیز نینگ کیلیشیمیزدن مقصد نه‌فقط همدردلیک بیلدیریش، بلکه‌ بو آغیر وضعیتده خلقیمیزگه یاردم بیریش و قوللب-قوّتلش بیز نینگ وظیفه‌میز دیر دیدی.

باش وزیر اداره‌سی نینگ اقتصاد بوییچه‌ اورین‌باسری شونده‌ی دیدی: بیر تاماندن بیز بو فاجعه‌لی واقعه‌گه دوچ کیلدیک، ایکّینچی تاماندن بغلان اهالیسی اورته‌سیده‌گی مهر-محبت، بیردملیک، یاردم و همکارلیکنی کوریب، اوزیمنی بختیار حس قیلدیم و سیزلر بیلن فخرلندیم دیدی.

نمایش بیشتر

نوشته های مشابه

دکمه بازگشت به بالا