باش وزیر اداره‌سی نینگ اداری اۉرین‌باسری قطرده‌گی اسلام امیرلیگی سیاسی اداره‌سی باشلیغی بیلن اوچره‌شووی

 

کابل ۱۱ جدی باختر
باش وزیر اداره‌سی نینگ اداری اۉرین‌باسری مولوی عبدالسلام حنفی بوگون اسلام امیرلیگی نینگ قطرده‌گی سیاسی اداره‌سی باشلیغی الحاج محمد سهیل شاهین بیلن اوچره‌شدی.

اوشبو اوچره‌شووده الحاج محمد سهیل شاهین دستلب باش وزیر اداره‌سی نینگ اداری اۉرین‌باسریگه اسلام امیرلیگی نینگ قطرده‌گی سیاسی اداره‌سی فعالیتی، رېجه‌لری بۉییچه‌ حسابات تقدیم اېتدی.

اسلام امیرلیگی نینگ قطرده‌گی سیاسی اداره‌سی باشلیغی نینگ ایتیشیچه، بو اداره‌ اسلام امیرلیگی نینگ منطقه‌ دولتلری بیلن علاقه‌لرینی تأمینلش و کېنگه‌یتیریش مقصدیده ایجابی و چمبرچسپ رۉل اۉینا‌شگه همده‌ اسلام امیرلیگی منفعتلرینی حمایه‌ قیلیشگه حرکت قیله‌دی.

باش وزیر اداره‌سی نینگ اداری اۉرین‌باسری مولوی عبدالسلام حنفی اسلام امیرلیگی نینگ قطرده‌گی سیاسی اداره‌سی، اسلام امیرلیگی منفعتلرینی حمایه‌ قیلیش و مېزبان دولت و باشقه‌ منطقه و دنیا دولتلر بیلن علاقه‌لرینی کېنگه‌یتیریش بۉییچه‌ فعالیتی و موقف‌نی یوقاری بهاله‌دی.

باش وزیر اداره‌سی نینگ اداری اۉرین‌باسری قۉشیمچه‌ قیلدیکی، اسلام امیرلیگی نینگ اوشبو اداره‌ده‌گی متصدیلری اسلام امیرلیگی نینگ منطقوی و منطقه‌دن تشقری دولتلر بیلن اۉزارا همکارلیک و اۉزارا حرمت اساسیده‌گی علاقه‌لرینی کېنگه‌یتیریش و رواجلنتیریشگه حرکت قیلیشلری کېره‌کلیگینی تأکیدله‌دی.

نمایش بیشتر

نوشته های مشابه

دکمه بازگشت به بالا