باش وزیر ادارهسی نینگ اداری اۉرینباسری اوزبیکستان نینگ بخارا ولایتیدهگی اسلامی و تاریخی مسکنلرگه تشریف بویوردی

کابل ۱۲ قوس باختر
افغانستان اسلام امیرلیگی نینگ باش وزیر ادارهسی نینگ اداری اۉرینباسری مولوی عبدالسلام حنفی اوزبیکستانگه باریب، اوشبو مملکت نینگ بخارا ولایتیدهگی اسلامی و تاریخی مسکنلرنی زیارت قیلدی.
ارگ نینگ خبریگه کۉره: مولوی عبدالسلام حنفی و اونینگ همراهلری افغانستان بیلن تورلی سودا، مدنی و اجتماعی ساحهلرده مستحکم علاقهلرگه اېگه بۉلگن اوزبیکستان نینگ بخارا ولایتیگه سیاحت قیلیب، بخارا نینگ اسلامی و تاریخی مسکنلرینی زیارت قیلدیلر.
بو سفرده اونی بخارا ولایتی حاکمی باتور ظریفاوف و اوزبیکستان حکومتی نینگ اَیریم وکیللری کوتیب آلیشدی. باتور ظریفاوف افغانستان اسلام امیرلیگی، باش وزیر ادارهسی نینگ اۉرینباسری و اونگه همراه بۉلگن هیئتنی قوتلر اېکن، اوزبیکستان و افغانستان دولتلری کۉپلب مدنی و تاریخی اۉخشهشلیکلرگه اېگه بۉلیب، هر ایکّی دولت هم اوشبو عموميلیکلردن فایدهلنگن حالده ایکّی تامانلهمه مناسبتلرنی مستحکملشی ممکنلیگینی تأکیدلهدی.
شونینگدېک، مولوی حنفی افغانستان و اوزبیکستاننی اۉزیگه خاص تاریخی عنعنهلرگه اېگه، اسلام مدنیتی و قدریتیگه مناسب اۉرین اېگهللهگن ایکّی دولت دېب اتهدی و بو جایدن تۉغری فایدهلنیلسه، ایکّی تامانلهمه مناسبتلرنی ینهده رواجلنتیریش ممکنلیگینی تأکیدلهدی.
اېسلهتیب اۉتمیز، باش وزیر ادارهسی نینگ اداری اۉرینباسری شنبه کونی اوزبیکستان رسمی تکلیفیگه بناءً هیئت باشچیلیگیده اوشبو مملکتگه تشریف بویورگن و شو پیتگچه اوشبو دولت نینگ یوقاری مرتبهلی رسميلری، جملهدن، عبدالله عارفوف باش وزیر، جمشید خواجهیف باش وزیر اۉرینباسری و اوزبیکستان مسلمانلری باشقرمهسی باشلیغی شیخ نورالدین خالق نظر بیلن اوچرهشوولر بۉلیب اۉتدی.