ینگی‌لیک/اخبارسیاستTOP

باش وزیر اداره‌سی نینگ اداری اورین‌باسری، ایش تاپیش خصوصی شرکتلر بیرلشمه‌سی مسوللری بیلن اوچره‌شووی

 

کابل ۲۶ جوزا باختر
افغانستان اسلام امیرلیگی باش وزیر اداره‌سی نینگ اداری اورین‌باسری حرمتلی مولوی عبدالسلام حنفی بوگون ایش تاپیش خصوصی شرکتلر بیرلشمه‌سی مسووللری بیلن اوچره‌شدی.

اوشبو ییغیلیشده دستلب خصوصی ایش تاپیش شرکتلری اویوشمه‌سی باشلیغی، حرمتلی الحاج نورالله فدوی اوشبو کمپنیلر نینگ وظیفه‌لری، فعالیتی و ریجه‌لری، شونینگدیک، مملکتده‌گی ایش بازاری حالتی حقیده معلومات بیردی.

خصوصی ایش کارخانه‌لر اویوشمه‌سی باشلیغی ایش ایزلاوچیلرگه نه‌فقط ایچکی محنت بازاریده ایش تاپیشده کمکلشیش، بلکه‌ حقوقی شرط-شرایطلرنی حسابگه آلگن حالده باشقه‌ مملکتلرده‌گی وطنداشلر اوچون هم ایش تاپیشده همکارلیک قیلیشینی تأکیدله‌دی.

باشقه‌ تاماندن، باش وزیر اداره‌سی نینگ اداری اورین‌باسری حرمتلی مولوی عبدالسلام حنفی اوشبو اوچره‌شوودن ممنونلیگینی بیلدیرر ایکن، اوشبو کمپنیلر نینگ ایشگه محتاج آدملر، اینیقسه‌، یاشلر اوچون ایش اورینلری تاپیشده‌گی اورنی مهم‌ ایکنلیگینی تأکیدله‌دی.

باش وزیر اداره‌سی نینگ اداری اورین‌باسری نینگ قوشیمچه‌ قیلیشیچه، حاضرده بوتون دنیاده ایش قیدیره‌یاتگنلر شخصی کمپنی، فابریکه و باشقه‌ ایش بیرووچیلر دروازه‌سیگه بارمه‌ی، بلکه‌ ایش قیدیریش کمپنیلری آرقه‌لی اوزلری خواهله‌گن ایش جایینی تاپماقده‌لر.

مملکت نینگ ایش قیدیره‌یاتگن کمپنیلری ایش قیدیره‌یاتگن فقرالرگه ایش ا‌ورینلرینی تاپیش اوچون کوپراق حرکت قیلیشلری کیره‌ک.

حرمتلی مولوی عبدالسلام حنفی ایش بیرووچیلر و ایشچیلر اورته‌سیده واسطه‌چی بولگن ایش تاپیش کمپنیلریدن ایش ا‌ورینلری و اولر نینگ شرطلرینی اعلان قیلیشده، اینیقسه‌، چیت ایلگه ایشچی یوباریش ساحه‌سیده شفّاف حرکت قیلیشلرینی همده‌ یاشلرگه ناانیق و نامعلوم ایش امکانیتلرینی تکلیف قیلمسلیکلرینی سوردی.

نمایش بیشتر

نوشته های مشابه

دکمه بازگشت به بالا