ینگی‌لیک/اخبارجمیت/جامعهTOP

ایکینچیلیک وزیرلیگی نینگ معینی لایحه‌لرنی عملگه آشیریشده شفّافلیک، ثمره‌دارلیک مهم‌ دیب اته‌دی

 

کابل ۴ سرطان باختر
ایکینچیلیک وزیرلیگی نینگ معینی «هم جمعیت آزوق-اوقات خوفسیزلیگینی تأمینلش آرقه‌لی اهالی تورموش فراوانلیگینی آشیریش» لایحه‌سی متصدیلری بیلن اوچره‌شوویده لایحه‌لرنی عملگه آشیریشده شفّافلیک، ثمره‌دارلیک مهم‌ اهمیتگه ایگه‌ ایکنینی تأکیدله‌دی.

ایکینچیلیک، ییرلرنی سوغاریش و چارواچیلیک وزیرلیگی نینگ مطبوعات خدمتی بوگون اوشبو خبرنی اعلان قیلدی: مولوی صدراعظم عثمانی، ایکینچیلیک و چارواچیلیک وزیرلیگی نینگ معینی، ایکینچیلیک، ییرلرنی سوغاریش و چارواچیلیک وزیرلیگی “هم جمعیت آزوق-اوقات خوفسیزلیگی آرقه‌لی تورموش شرایطینی یخشیلش” لایحه‌سی نینگ مسوول خادملری بیلن اوچره‌شدی. و اوشبو لایحه‌نی عملگه آشیریش مسأله‌لری بحث قیلیندی.

مولوی صدراعظم عثمانی اولکه‌ده‌گی رواجلنیش لایحه‌لرینی عملگه آشیریشگه اورغو بیردی. لایحه‌لرنی عملگه آشیریشده شفّافلیک، ثمره‌دارلیک تمایلی مهم‌ اهمیتگه ایگه‌ دیب ایتکن.

اونینگ ایتیشیچه، اروپا اتفاقی و دنيا قاچقینلر اویوشمه‌سی تامانیدن مالیه‌لشتیریلگن «هم جمعیت آزوق-اوقات خوفسیزلیگی آرقه‌لی تورموش درجه‌سینی آشیریش» لایحه‌سی هرات، فراه، بادغیس و کونر ولایتلریده عملگه آشیریلماقده.

اوشبو لایحه‌ نینگ عمومی قیمتی تورت میلیون و ۸۸۸ مینگ ۵۲۰ آمریکا دالرینی تشکیل ایتدی.

اونینگ قوشیمچه‌ قیلیشیچه، آزوق-اوقات خوفسیزلیگینی یخشیلش، آزوق-اوقات محصولاتلرینی ایشلب چیقریش و قَیته ایشلش امکانیتلری، جمله‌دن، آزوق-اوقات خیلمه-خیللیگی هم اوشبو لایحه‌ نینگ باشقه‌ مقصدلری حسابلنه‌دی.

نمایش بیشتر

نوشته های مشابه

دکمه بازگشت به بالا