ایکینچیلیک وزیرلیگی نینگ معینی ایراننی ایکینچیلیک محصولاتلری تشقیآلیشنی آسانلشتیریشده همکارلیک قیلیشگه چقیردی
کابل ۱۵ قوس باختر
مولوی صدراعظم عثمانی تهرانده ایران-افغانستان قۉشمه سودا پلهتهسی (اتاقی) اعضالری بیلن اوچرهشوویده ایراندن ایکینچیلیک محصولاتلری تشقیآلیشنی آسانلشتیریشده همکارلیک قیلیشنی طلب قیلدی.
بوگون ایکینچیلیک، ییرلرنی سوغاریش و چارواچیلیک وزیرلیگی مطبوعات خدمتی اوشبو خبرنی اعلان قیلدی و اوشبو اوچرهشووده تامانلر افغانستان نینگ ایکینچیلیک ساحهسیگه قۉشمه سرمایه کیریتیش امکانیتلرینی بحث قیلگنینی معلوم قیلدی.
اوچرهشووده ایکینچیلیک محصولاتلرینی یېتیشتیریش و زمانهوی ایکینچیلیک تیزیملرینی رواجلنتیریش، ینگی تکنالوژیلر ترانسپورتی و ایکینچیلیک محصولاتلرینی قَیته ایشلش مسألهلری حقیده سۉز یوریتیلدی. شونینگدېک، ایکینچیلیک محصولاتلری تشقیساتیش و تشقیآلیشنی آشیریش، ایکّی دولت اۉرتهسیدهگی سودا تۉسیقلرینی برطرف اېتیش باشقه موضوعلر قطاریده بحث قیلیندی.
مولوی عثمانی افغانستان نینگ ایکینچیلیک محصولاتلری تشقیساتیشنی آسانلشتیریشگه تۉلیق تیارلیگینی معلوم قیلدی و ایراندن بو ساحهده همکارلیک قیلیشنی سۉردی.
اوچرهشوو یکونیده تامانلر افغانستان و ایران اۉرتهسیدهگی سودا معمالرینی حل اېتیش و اقتصادی علاقهلرنی مستحکملش اوچون اوچرهشوولرنی دوام اېتتیریش مهملیگینی تأکیدلهدیلر.
