ایکینچیلیک معينی: چارواچیلیکده اوتلرگه ایگه بولیش کتّه رول اوینه‌یدی دیدی
کابل ۴ قوس باختر
ایکینچیلیک، ییرلرنی سوغاریش و چارواچیلیک وزیرلیگی نینگ ییرلرنی سوغاریش و طبيعی ریسورسلر معینی مولوی باز محمد فیضان، قوملر و قبیله‌لر وزیرلیگی نینگ چیگره‌‌لر نظارتی معینی شیخ محمد اسمایل غزنوی بیلن اوچره‌شوویده اوتلرگه ایگه بولیش چارواچیلیکده کتّه رول اوینه‌شینی ایتدی.
ایکینچیلیک، ییرلرنی سوغاریش و چارواچیلیک وزیرلیگی مطبوعات خدمتی بوگون اوشبو خبرنی اعلان قیلدی و مولوی باز محمد فیضان اوشبو اوچره‌شووده “اوتلر چارواچیلیک و چاروادارلیکلر اوچون جوده مهم و اولرنی انیقلش، برقرارلشتیریش و حمایه قیلیش کیره‌ک”، دیدی. مملکتیمیزده اهالی نینگ کوپچیلیگی دهقانچیلیک و چارواچیلیک بیلن شغللنه‌دی، چارواچیلیکده اوت-اولنلرگه ایگه بولیش اساسی ا‌ورین توته‌‌دی.
او قوشیمچه قیلدی: «افغانستانده چارواچیلیک حلی هم اساساً قیشلاق و عنعنوی بولیب، چارواچیلیک، اینیقسه، کوچمنچیلر اوچون اوتلاقلر مهم‌راق دیب تأکیدله‌دی.
شیخ محمد اسمایل غزنوی، قوملر و قبیله‌لر وزیرلیگی نینگ چیگره‌‌لر نظارتی معینی: «ایکینچیلیک وزیرلیگی بیلن کیلیشیلگن حالده ییلاولرنی انیقلش و برقرارلشتیریش اوچون تخنیکی کینگش تعیینله‌نیب، توقّیزته ولایتده ایسه ییلاولر، اوت ییتیشتیریش مقداری، اوتلاقلرنی ایکینچیلیک ییرلریگه و قوریلیش میدانچه‌لریگه ایلنتیریش تیزلیگی، اونی محافظه قیلیش مقصدیده اوتلاقلر نینگ ویران بولیشی و اوزباشیمچه‌لر قیلینگن مقدارینی انیقله‌یدی و برقرارلشتیره‌دی.
او ینه قوشیمچه قیلدی: «اوتلاق ترتیبیده کوچمنچیلر نینگ یونه‌لیشی هم بیلگیلنه‌دی، چونکه اوتلاقلردن فایده آلووچیلر نینگ کوپچیلیگی کوچمنچیلر، افغانستانده‌گی چاروا ماللری نینگ اساسی قِسمی ایسه کوچمنچیلردیر» دیب اته‌دی.
