جمیت/جامعهTOPینگی‌لیک/اخبار

ایکینچیلیک، ییرلرنی سوغاریش و چارواچیلیک وزیرلیگی نینگ سرپرستی فاریابگه ایکینچیلیک مسأله‌لرینی اورگنیش اوچون سفر قیلدی

 

میمنه ۲ سرطان باختر
ایکینچیلیک، ییرلرنی سوغاریش و چارواچیلیک وزیرلیگی نینگ سرپرستی مولوی عطاءالله عمری فاریابده‌گی ایکینچیلیک ایشلری و دولت ییرلرینی باشقه‌ریشنی اورگنیش اوچون هیئت بیلن بیرگه‌ اوشبو ولایتگه تشریف بویوردی.

باختر آژانسیگه کوره‌‌؛ مولوی عطاءالله عمری اوشبو ولایت رسميلری بیلن اوچره‌شوویده تشریفیدن مقصدی ایکینچیلیک ایشلرینی تیکشیریش، دولت ییرلری نینگ اوزلشتیریلیشیگه یول قویمسلیک و دولت ییرلرینی باشقه‌ریش ایکنینی تأکیدلب، اولردن حکومت ییرلرینی قَیتریب آلیش و قَیته تیکلش اوچون قتّيق حرکت قیلیشنی سوردی.

مولوی عمری قوشیمچه‌ قیلدی: “هر بیر دولت ترقیات اوچون خوفسیزلیک مستقللیگیدن تشقری آزوق-اوقات مستقللیگی و آزوق-اوقات خوفسیزلیگیگه محتاج. بیز بو مستقللیککه مملکتیمیز ایکینچیلیک ایشلریده و مملکت نینگ دهقانلری، ییر ایگه‌لری و ایکینچیلیک متخصصلری یوره‌کدن حرکت قیلگنده ایریشه آله‌میز. کیلینگلر اوزیمیز ایکینچیلیک وزیرلیگی، ایکینچیلیک باشقرمه‌لریمیز بیلن همکار بولیب اولرنی قوللب-قوّتله‌یلیک و مملکتیمیز نینگ ایکینچیلیک ییرلری و سوولرینی حمایه‌ قیلیش و سقلش اوچون اوز بورچیمیزنی ادا قیلیلیک.

فاریاب ولایت حاکمی ملا عبدالاحد فضلی هم اوشبو ولایت نینگ محلی عملدارلری بو ولایت اهالیسیگه خدمت کورسه‌تیشنی موافقلشتیریشگه ایشانتیردی و ایکینچیلیک باشقرمه‌سی خادملری بیلن عشر و زکات ییغیشده همکارلیک قیلیشلرینی قوشیمچه‌ قیلیب و حکومت ییرلرینی قراقچیلر قولیدن قَیتریب آلیش اوچون ده همکارلیک قیلیشلرینی ایتدی.

نمایش بیشتر

نوشته های مشابه

دکمه بازگشت به بالا