ایران نینگ کابلده‌گی ینگی اېلچیسی مولوی امیرخان متقی بیلن تنیشیش اوچره‌شوو اۉتکزدی

 

کابل ۲۰ قوس باختر
افغانستان تشقی ایشلر وزیرلیگی ایران نینگ ینگی اېلچیسی بیلن تنیشیش اوچره‌شووی حقیده معلوم قیلدی.

مملکت تشقی ایشلر وزیرلیگی مطبوعات کاتبی اۉرین‌باسری حافظ ضیا احمد تکل اۉزی نینگ ایکس صحیفه‌سیده ایران اسلام جمهوریتی نینگ کابلده‌گی ینگی اېلچیسی علی‌رضا بیکدلی افغانستان اسلام امیرلیگی تشقی ایشلر وزیرلیگی نینگ سرپرستی مولوی امیرخان متقی بیلن تنیشیش اوچره‌شوو اۉتکزگنینی یازدی.

اوشبو اوچره‌شووده مملکت تشقی ایشلر وزیرلیگی نینگ سرپرستی مولوی امیرخان متقی علی‌رضا بیکدلیگه ایشلریده موفقیتلر تیله‌دی و مملکت تشقی ایشلر وزیرلیگی اونگه «ایشلر نینگ یخشی بجریلیشیده» یاردم بېریشیگه ایشانتیردی.

ایران نینگ کابلده‌گی ینگی اېلچیسی علی‌رضا بیکدلی تشقی ایشلر وزیرلیگی نینگ سرپرستیگه سلام و ایرانلیک هم‌کسبی نینگ اېزگو تیلکلرینی یېتکزر اېکن، اۉز تشریفی دوامیده‌ ایکّی مملکت اۉرته‌سیده‌گی تورلی ساحه‌لرده‌گی علاقه‌لرنی کېنگه‌یتیریشگه امید بیلدیردی.

ایران نینگ کابلده‌گی ینگی اېلچیسی، شونینگدېک، ایکّی دولت اۉرته‌سیده‌گی مناسبتلرنی امکان قدَر رواجلنتیریش مقصدیده یقین کېله‌جکده ایکّی دولت اۉرته‌سیده یوقاری مرتبه‌لی هیئتلر سفرلر قیلیشینی ایسته‌یمیز، دېب قۉشیمچه‌ قیلدی.

نمایش بیشتر

نوشته های مشابه

دکمه بازگشت به بالا