اوچاق افغانستانده قولهگن (سقوط قیلگن)؛ روسيه: بو اوچاق نینگ ایکّی یولاوچیسی روسی بولگنینی ایتکن
کابل، ۱ دلو، باختر
افغانستانده اوچاق هلاکتگه اوچرهگهچ، روسيه اونینگ ایکّی یولاوچیسی روسيهلیک ایکنلیگینی تصدیقلهدی.
شنبه آقشامیده هندوستاندن روسيهگه کیتهیاتگنی ایتیلهیاتگن کیچیک یولاوچی اوچاقی بدخشان نینگ زیباک – کران و منجان تومنلری اورتهسیدهگی توپخانه تاغلریده حلی آیدینلشتیریلمهگن سببلرگه کوره قولهب توشدی.
روسيه عاموی اخبارات واسطهلری اوشبو مملکت رسميلریگه ایقتیباس کیلتیرگن حالده، بو اوچاق نینگ کمیده ایکّی یولاوچیسی روسيهلیک بولگنینی خبر قیلدی.
«فالکون ۱۰» کیچیک اوچاقیده تورت کیشی خدمه اعضاسی و ایکّی کیشی روسيهلیک یولاوچی بولگن.
باختر آژانسیگه نینگ خبریگه کوره، افغانستان ترانسپورت وزیرلیگی بیاناتیده اوشبو اوچاقده ۶ کیشی یولاوچی بولگنلیگی و بدخشان نینگ کران – منجان و زیباک تومنلری آرهسیدهگی بیر قِسمگه قولهگنی معلوم قیلینگن. وزیرلیک بو اوچاق افغانستان ردریده رویخطگه آلینمهگنینی ایتدی.
باشقه تاماندن، بدخشان محلی حاکمیتی واقعه جاییگه قوتقروو و تیرگاو گروهی جونهتیلگنینی اعلان قیلدی.
ایتیلیشیچه، اوچاق قولهگن جای قیین و اونگه موترده ییتیب باریش اوچون ساعتلب وقت کیتهدی. حاضرچه بو اوچاق یولاوچیلری نینگ تقدیری حقیده معلومات یوق.
