کابل ۲۱ سنبله باختر
انرژی و سوو وزیرلیگی نینگ سرپرست وزیری ملا عبداللطیف منصور نغلوی سروبی حدودیده ۱۰ میگاوات قوّتگه ایگه قویاش انرژیسی لایحه‌سی بیلن تنیشر ایکن، بو برق قوّتی ایشلب چیقریش یقین کیله‌جکده ایشگه توشیریلیشینی ایتدی.
انرژی و سوو وزیرلیگی نینگ خبریگه کوره، اوشبو وزیرلیک نینگ وزیری ملا عبداللطیف منصور ۱۰ میگاوتلیک قویاش انرژیسی لایحه‌سینی عملگه آشیریش بوییچه شرطنامه توزگن شرکت نینگ اَیریم متصدیلری بیلن بیرگه سروبی تومنی نینگ نغلوی حدودیگه تشریف بویوردی.
انرژی و سوو وزیرلیگی نینگ سرپرست وزیری مذکور لایحه بوییچه اوچره‌شووده اونی عملگه آشیریش جریانی توگللنگنی حقیده گپیردی و یقین آره‌ده اوشبو برق انرژیسی ایشلب چیقریش ایشگه توشیریلیشینی قوشیمچه قیلدی.
او اوشبو لایحه نینگ عملگه آشیریلیشینی انرژینی رواجلنتیریش یولیده‌گی ایجابی قدم دیب اته‌دی و اوشبو ایشلب چیقریشدن آلینه‌دیگن ۱۰ میگاوات برق انرژیسینی عمومی ترماققه اولش آرقه‌لی کابل و ننگرهارده‌گی کیچیک برق انرژیسی معمالری نینگ کتّه قِسمی حل ایتیلیشینی تأکیدله‌دی.
منبعگه کوره؛ اوشبو لایحه انرژی و سوو وزیرلیگی تامانیدن «عوفی بهرام» شرکتی نینگ خصوصی سرمایه‌سی حسابیدن عملگه آشیریلدی.
