کابل ۱۱ اسد باختر
انرژی و سوو وزیرلیگی نینگ سرپرست وزیری ملا عبداللطیف منصور اوز ادارهسیده نورستان ولایتی نینگ بیر قطار عالِملری و آقسقاللری بیلن اوچرهشدی و تامانلر اوشبو ولایتدهگی سوو باشقرووی لایحهلری یوزهسیدن فکر المشدیلر.
انرژی و سوو وزیرلیگی مطبوعات خدمتیدن آلینگن معلوماتلرگه کوره: اوشبو اوچرهشووده نورستانلیک علمالر و آقسقاللری اوشه ولایت نینگ سوو باشقرووی لایحهلرینی عملگه آشیریش بوییچه اوزلری نینگ بیر قنچه معما و تکلیفلرینی کوتاریب، بو بارهدهگی وظیفهلرنی عملگه آشیریشنی طلب قیلیشدی. جملهدن گوش توغانی، حوض مندول باشقه و توغانلر نینگ قوریلیش لایحهلری اولر اوشه ولایتده ینه بیر قنچه کیچیک توغانلر نینگ قورشهشی بوییچه تأکیدلب اوتدیلر.
سونگره انرژی و سوو وزیرلیگی نینگ سرپرست وزیری اولرنی موجود امکانیتلردن کیلیب چیقیب، کیلگوسیده تکلیفلری انابتگه آلینیشیگه ایشانتیردی.
سوو انرژی وزیرلیگی نینگ سرپرست وزیری، شونینگدیک، شاهی کانالی نینگ بیرینچی قِسمی نینگ ایشی تصدیقلنگن بودجهگه موافق تیز آرهده باشلنیشینی و اوشبو کانال بوییده جایلشگن کلهگوش توغانینی عملگه آشیریش اوچون قراردادی شرکت بیلن گپلشیلگنینی قوشیمچه قیلدی.
