امیر علی‌زاده افغانستانگه تکواندو بوییچه جهان کوموش (نقره) مدالینی کیلتیردی
کابل ۱۹ عقرب باختر
مملکتیمیز تکواندو آی‌تی‌اِف فدراسیونی تیرمه جماعه‌سی اعضاسی امیر علی‌زاده ۵۹ کیلوگرام وزنده جهان قهرمانلیک کوباغی(جامی) کوموش مدالنی قولگه کیریتدی.
ملی المپیا کمیته‌سی خبریگه کوره: اوزبیکستان نینگ تاشکینت شهری میزبانلیک قیلگن اوشبو مسابقه‌ده مملکتیمیز تکواندو آی‌تی‌اِف فدراسیونی وکیلی امیر علی‌زاده ۵۹ کیلوگرام وزن طایفه‌سیده ایکّینچی ا‌وریننی ایگه‌لله‌دی و کوموش مدالنی قولگه کیریتدی.
بیر هفته دوامیده اوزبیکستان نینگ تاشکینت شهریده ۲۰ دولتدن ۱۲۰۰ کیشی سپورتچی اشتراکیده تکواندو آی‌تی‌اِف بوییچه جهان کوباغی مسابقه‌سی بولیب اوتدی و اوشبو سپورت مسابقه‌سیده افغانستاندن تورت کیشی سپورتچی اشتراک ایتدی.
جهان قهرمانلیگی کوباغی شمالی کوریا سپورتچیلری نینگ چمپیونلیگی و روسيه‌لیک سپورتچیلر نینگ ایکّینچی ا‌وریننی ایگه‌للشی بیلن یکونلندی.
