کابل ۸ اسد بختر
افغانستان اسلام امیرلیگی مطبوعات کاتبی امیرالمؤمنین حفظه‌الله حضرتلری نینگ غور ولایتی رسميلری بیلن اوچره‌شووینی اعلان قیلدی.
افغانستان اسلام امیرلیگی مطبوعات کاتبی مولوی ذبیح‌الله مجاهد اوزی نینگ ایکس صحیفه‌سیده امیرالمؤمنین حفظه‌الله حضرتلری، غور ولایتی رسميلری بیلن اوچره‌شگنینی یازدی.
مجاهد نینگ ایتیشیچه، اوچره‌شوو غور ولایت حاکمی، استیناف، باشلنغیچ و حربی محکمه باشلیقلری، ولایت باشقه‌رمه‌لری باشلیقلری، تومن حاکملری همده غور نینگ مرکزده یاکه باشقه ولایتلرده اوز وظیفه‌لرینی بجره‌یاتگن اَیریم مجاهدلر اشتراک ایتگن.
اونینگ قوشیمچه قیلیشیچه، اولر اوز معمالرینی افغانستان اسلام امیرلیگی نینگ یوقاری حاکمیتی بیلن بهم کوریشگن.
افغانستان اسلام امیرلیگی مطبوعات کاتبی نینگ بیاناتیگه کوره؛ اميرالمؤمنين حفظه‌الله حضرتلری اولرگه مفصل نطق سوزلب، اسلام توزومی نینگ قدرتی، شریعت نینگ عمل قیلیشی، مقّدس جهاد نینگ مقصد و یوتوقلرینی حمایه قیلیش، اسلامی غایه‌لرنی تربیه‌لش و ترغیب قیلیش حقیده سوزلب بیردیلر. مسلِمه فرزندلر آره‌سیده اوز رهبرلریگه تولیق اطاعت قیلیش و قول آستیده‌گیلرگه مهر-شفقت کورسه‌تیش، اوزینی اختلافلردن حمایه قیلیش و مسلمانلر اوچون یخشی خدمت قیلیشگه حرکت قیلیش ضرور ساوغه‌لر و توصیه‌لر بیردی.
