اقتصاد وزیرلیگی نینگ سرپرستی بیرلشگن ملتلر تشکیلاتی باش کاتبی نینگ افغانستاندهگی وکیلی بیلن اوچرهشدی

کابل ۲۶ جدی باختر
اقتصاد وزیرلیگی نینگ سرپرستی قاری دین محمد حنیف بیرلشگن ملتلر تشکیلاتی باش کاتبی نینگ افغانستاندهگی وکیلی روزا اوتونبایوا خانم، کابلدهگی یوناما باشلیغی اۉرینباسری اندریکا راتواته و اولرگه همراهلیک قیلهیاتگن هیئت بیلن اوچرهشدی.
اقتصاد وزیرلیگی اۉز ایکس صحیفهسیده یازیشیچه، اوشبو اوچرهشووده تامانلر متناسب رواجلنیشنی کۉزلهگن حالده انسانپرورلیک یاردمی جریانینی خلق نینگ اقتصادی احتیاجلری و رواجلنیش اوستوار یۉنهلیشلریدن کېلیب چیققن حالده ثمرهلی و شفّاف عملگه آشیریشنی بحث قیلگن.
اقتصاد وزیرلیگی نینگ سرپرستی خلقارا هم جمعیتنی ایکینچیلیک و چارواچیلیکنی رواجلنتیریش، ساغلیقنی سقلش خدمتلرینی رواجلنتیریش، آزوق-اوقات خوفسیزلیگی، اجتماعی حمایه، کیچیک و اۉرته تدبیرکارلیکنی مستحکملش، خصوصی سکتورنی قۉللب-قوّتلش، کۉنیکمه و تخنیکی ساحهلرنی رواجلنتیریش ساحهلریده اشتراک اېتیش و قۉللب-قوّتلشگه چقیریب، وضعیتنی یخشیلش اوچون کسب-هنر تعلیمیگه علیحده اعتبار قرهتدیلر و خلق نینگ حیاتی و اقتصادینی مهم دېب حسابلشدی.
۲۰۲۵-ییلگه قدَر رواجلنیشگه عاید لایحهلر و تدبیرلرنی عملگه آشیریشگه کۉپراق اعتبار قرهتیلهدی، بو آرقهلی تورلی ترماقلرده بندلیک امکانیتلری یرهتیلهدی، اهالی نینگ تورموش معمالرینی حل اېتیش، قشّاقلیک و ایشسیزلیکنی کمهیتیریشده ثمرهلی بۉلهدی دیدی.