افغانستان و روسيه رسميلری ترانزیت و سودا ساحهسیدهگی همکارلیکنی بحث قیلدیلر
کابل ۲۲ دلو باختر
صنعت و سودا وزیرلیگی نینگ سرپرست وزیری روسيه جمهور رئیسلیگی فدراتیف نینگ افغانستانگه تشریف بویورگن مصلحتچیسی بیلن اوچرهشوویده ایکّی دولت اورتهسیدهگی ترانزیت و سودا همکارلیگینی بحث قیلدی.
صنعت و سودا وزیرلیگی مطبوعات خدمتی بوگون اوشبو خبرنی اعلان قیلدی و شوندهی دیدی: اوشبو وزیرلیک نینگ وزیری الحاج نورالدین عزیزی روسيه جمهور رئیسلیک فدراتیف نینگ اقلیم اوزگریشی مسألهلری بوییچه مصلحتچیسی روسلان عادلگیریف بیلن اوچرهشدی. شو بیلن بیرگه افغانستان ییغیلیشده اشتراک ایتهدی.
اوشبو اوچرهشووده تامانلر اوزارا سودا علاقهلری، ایکّی دولت اورتهسیدهگی ترانزیت یوللری، امتیازلی تریفلر، اسلام بانکی فعالیتی، قوشمه اقتصادی کمیسیون فعالیتینی قَیته تیکلش، افغانستانگه روسيه سرمایهسی کیریتیش، ایش بیلرمانلیک ویزهلرینی رسميلشتیریشنی آسانلشتیریش، دایمی ویزه یرهتیش کبی مسألهلرنی بحث قیلدیلر. مسکودهگی افغانستان سودا مرکزی، افغانستان نینگ تکلیفی و اشتراکی روسيه و اسلام عالمی نینگ ۱۵- خلقارا اقتصادی فورومیده بحث قیلیندی.
