افغانستان و ایران ساغلیقنی سقلش ساحهسیدهگی ایکّی تامانلهمه همکارلیکنی بحث قیلدی

کابل ۲۸ جدی باختر
ساغلیقنی سقلش وزیرلیگی نینگ سرپرستی مولوی نور جلال جلالی ایران نینگ کابلدهگی ینگی اېلچیسی علی رضا بیکدلی بیلن اوچرهشدی.
ساغلیقنی سقلش وزیرلیگی تامانیدن اعلان قیلینگن بیاناتده ایتیلیشیچه، اوشبو اوچرهشووده ایران تامانیدن کابل و بامیانده قوریلهیاتگن شفاخانهلر ایشینی قَیته تیکلش بیلن بیر قطارده طبیات صفتی، ایشلب چیقریش و تېگیشلی ساحهلر بۉییچه کېلیشوونی عملگه آشیریش، ساغلیقنی سقلش ساحهسیدهگی ایکّی تامانلهمه همکارلیک بحث قیلیندی.
ساغلیقنی سقلش وزیرلیگی نینگ سرپرستی ایران بیلن ساغلیقنی سقلش ساحهسیدهگی ایکّی تامانلهمه علاقهلرنی مهم دېب اتهدی و شوندهی دیدی: افغانستان ساغلیقنی سقلش تیزیمینی مستحکملش اوچون صفتلی دارو-درمان و زمانهوی طبی اسباب-اسکونهلر کېرهک، بو ایکّی تامانلهمه یخشی مناسبتلر نتیجهسیدیر دیب، و همکارلیک اساسیده بیز بو ساحهده موفقیتگه اېریشه آلهمیز و یورتداشلریمیزگه صفتلی طبی خدمت کۉرسهتیشیمیز ممکن.
ایران اېلچیسی شونینگدېک، ساغلیقنی سقلش ساحهسیده دوام اېتهیاتگن همکارلیککه توختهلیب، بو بارهدهگی همکارلیکنی دوام اېتتیریشگه ایشانتیردی.