افغانستان و ایران اۉرتهسیده تېمیر یۉل آرقهلی یوک تشیش حجمی آرتیب بارماقده

کابل بیرینچی دلو باختر
افغانستان صنعت و سودا وزیرلیگی نینگ سرپرستی نورالدین عزیزی ایران اسلام جمهوریتی تېمیر یۉل ادارهسی استثمارلر بۉییچه اۉرینباسری انجنیر مرتضی جعفری باشچیلیگیدهگی هیئت بیلن اوچرهشدی.
صنعت و سودا وزیرلیگی نینگ خبریگه کۉره: اوشبو اوچرهشووده صنعت و سودا وزیرلیگی نینگ سرپرستی نورالدین عزیزی و ایران تېمیر یۉللری ادارهسی عملیاتلر بۉییچه اۉرینباسری مرتضی جعفری ایکّی دولت اۉرتهسیده تېمیر یۉل آرقهلی تشقیآلیش و تشقیساتیش بوییچه بحث قیلدیلر. و شونینگدېک، افغان ماللری نینگ ایران و تورکيه آرقهلی اروپاگه اۉتکزیش مسألهسی هم بحث قیلیندی.
اوچرهشووده ایران اسلام جمهوریتی هیئتی افغانستانگه تشقیساتیش، ترانزیت و تشقیآلیش ماللرنی اېنگ ارزان نرخده و علاجی بۉلسه، اېنگ قیسقه وقت ایچیده آلیب اۉتیشگه وعده بېردی.
سۉنگره نورالدین عزیزی سوداگرلر اوچون قولیلیکلر یرهتیلیشی و ایکّی دولت تامانیدن تېمیر یۉل اۉتکزمهلری نینگ کۉپهییشیگه اورغو بېریب، ینهده یخشی و کۉپراق موافقلشتیریش اوچون ایران هیئتیگه بېش کیشیلیک گروهنی تقدیم اېتدی.