ینگی‌لیک/اخبارسپورتTOP

افغانستان نینگ بنگله‌دیش اوستیدن قازانگن غلبه‌سی؛ ملی کرکت تیرمه جماعه‌سی جهان قهرمانلیگی نینگ یریم فینالیگه چیقدی

کابل ۵ سرطان باختر
افغانستان نینگ کرکت تیرمه جماعه‌سی نازک و هیجانلی اویینده بنگله‌دیشنی سکّیز یوگوریش فرقی بیلن مغلوب ایتیشگه موفق بولدی و بیرینچی مرته‌ ۲۰ آوره جهان جامی نینگ یریم فینال باسقیچیگه چیقدی.

اوییننی افغانستان تیرمه جماعه‌سی باشله‌دی، بیراق اولر اونچه‌لیک امیدلی کورینمه‌دی. بیش کیشی کرکتچیسی نینگ بای بیریب، رقیبگه بیر یوز و اون آلتی نمره آلیب کیلیشدی. بنگله‌دیش برچه‌ کرکتچیلرینی بای بیریب، بار-یوغی بیر یوز و بیش نمره توپلشگه موفق بولدی.

بو اویینده رحمان الله گربز بالینگ بولیمیده پارله‌دی و افغانستانگه ۴۳ نمره کیلتیره آلدی.

بالینگ بولیمیده راشد خان هم، نوین‌الحق هم تورتته رقیبینی اوییندن چیتله‌تیب، جماعه‌سی نینگ غلبه‌سیگه زمینه حاضرلشدی.

باختر آژانسی نینگ خبریگه کوره‌‌، اوشبو غلبه‌ بیلن افغانستان کرکت تیرمه جماعه‌سی ۲۰ آوره جهان قهرمانلیگی نینگ یریم فینالیگه یوللنمه آلدی و بو باسقیچده جنوبی آفریقا جمهوریتی بیلن اویینگه توشه‌دی.

۲۰ آوره کرکت جهان جامی ویست اندیز و آمریکا تامانیدن بیرگه‌لیکده میزبانلیک قیله‌دیگن دنیا نینگ تورت بورچه‌گیدن ییگیرمه‌ته جماعه‌ اشتراکیده باشلنگن.

نمایش بیشتر

نوشته های مشابه

دکمه بازگشت به بالا