کابل ۱۷ اسد باختر
افغانستان مرکزی بانکی نینگ بیرینچی اورینباسری صدیقالله خالد مالیه خدمتلرنی رواجلنتیریش ییغیلیشیده تجارت بانکلری وکیللریدن اسلام بانکی نینگ اوسیشی و رواجلنیشی اوچون عملی چارهلر کوریشنی سوردی.
افغانستان مرکزی بانکی مطبوعات خدمتی نینگ بوگون معلوم قیلیشیچه، اوشبو ییغیلیش افغانستان مرکزی بانکی نینگ بیرینچی اورینباسری صدیقالله خالد باشچیلیگیده، تجارت بانکلری و بانکلر بیرلشمهلری وکیللری اشتراکیده مالی خدمتلر نینگ اوسیشی و رواجلنیشیگه بغیشلنگن ایدی.
اوشبو ییغیلیشده افغانستان مرکزی بانکی نینگ بیرینچی اورینباسری صدیقالله خالد اولوس نینگ امانتلریگه قوییلگن اَیریم چیکلاولرنی قیسقهرتیریش حقیده گپیردی و یقین آرهده بو ساحهده ینهده کوپراق یوتوقلرگه ایریشیشینی قوشیمچه قیلدی.
تجارت بانکلری متصدیلریدن مزاجلرگه ینگی بانک حسابورهقلرینی آچیش بولیمیده ضرور قولهیلیکلر یرهتیش، اولوسگه ضرور قولهیلیکلر یرهتیش مقصدیده رغبتلنتیریش اصوللرینی قوللش و بانک تولاولرینی قَیته کوریب چیقیشنی سوردی.
خالد مملکتده اسلام بانکچیلیگینی ترغیب قیلیشنی مهم دیب اتهدی و تجارت بانکلری وکیللریدن اسلام بانکچیلیگی نینگ اوسیشی و رواجلنیشی اوچون عملی قدملر قوییشنی سوردی.
افغانستان مرکزی بانکی اورینباسری هم قیین کریدیتلر آلیش حقیده گپیریب، بو بارهده تجارت بانکلری وکیللریگه همکارلیک قیلیشگه وعده بیردی.
