کابل ۱۶ اسد باختر
افغانستان اسلام امیرلیگی حکومتی ییغیلیشیده سوو و انرژی وزیرلیگیگه آمو دینگیزی قیرغاقلرینی مستحکملش بوییچه قطعی چارهلر کوریش وظیفهسی یوکلهتیلدی.
کابینه ییغیلیشی نینگ ارگ تامانیدن اعلان قیلینگن حساباتیده ایتیلیشیچه، اوشبو ییغیلیش توناون افغانستان اسلام امیرلیگی باش وزیر ادارهسی نینگ باشلیغی ملا محمد حسن آخوند رئیسلیگیده بولیب اوتگن و اَیریم مسألهلر بحث قیلینگن و دوامیده قرار قیلنگن.
افغانستان اسلام امیرلیگی کابينهسی مجلسیده سوو و انرژی وزیرلیگیگه آمو دینگیزی قیرغاقلرینی مستحکملش و بو دینگیز قیرغاقلری نینگ ویران بولیشیگه یول قویمسلیک بوییچه قطعی چارهلر کوریش وظیفهسی یوکلهتیلدی.
مذکور ییغیلیشده مالیه وزیرلیگی نینگ سالیق بولمهگن توشوملری بوییچه بیرینچی چارک یکونلری بوییچه حساباتی تصدیقلنیب، اونده اَیریم باشقهرمهلر رغبتلنتیریلدی و بیر قطار باشقهرمهلرگه مالیه وزیرلیگی نینگ اوشبو قِسمدهگی یوریقنامهلرینی کوریب چیقیش توصیه ایتیلدی.
شونینگدیک، اوشبو ییغیلیشده هیئتگه افغانستان توقیمهچیلیک شرکتی ملکینی قَیتریش بوییچه کابينهسی نینگ نوبتدهگی ییغیلیشیده اوزی نینگ کینگ قمراولی تیکشیرووی و یکونی حساباتینی تقدیم ایتیش وظیفهسی یوکلهتیلدی.
