ینگی‌لیک/اخبارخوفسیزلیکجمیت/جامعه

افغانستان اسلام امیرلیگی رهبری نینگ هییت بیره‌می مناسبتی بیلن قوتلاو پیامینی خلق ممنونیت بیلن قرشیله‌دی

 

کابل ۲۶ جوزا باختر
اولوس افغانستان اسلام امیرلیگی رهبری نینگ هییت بیره‌می مناسبتی بیلن قوتلاو پیامینی ممنونیت بیلن قرشیله‌دی.

خلق امیرالمؤمنین حفظه‌الله حضرتلری قوتلاو پیامینی اوقیب چیقیب، اسلام امیرلیگی رهبری نینگ کورسه‌تمه‌لریگه اعتبار قره‌تیش افغانستاننی فراوانلیک و ترقیات سری ییته‌کلشینی ایتیشدی.

قربان هییتیگه ایکّی کون قالگنده اسلام امیرلیگی رهبری نینگ هییت قوتلاو پیامی نینگ میلیونلب نسخه‌لری افغانستان بویلب ترقه‌تیلدی و آدملر اونی اشتیاق بیلن اوقیشدی.

امیرالمؤمنین حفظه‌الله حضرتلری اوزی نینگ هییت بیره‌می قوتلاو پیامی‌ده افغانستان فقرالریدن افغانستان بویلب شریعت تیزیمی و عمومی خوفسیزلیک تأمینلنگنی اوچون قادر تینگری تعالی‌گه شکرلر قیلیشلرینی سوردی.

اسلام امیرلیگی رهبری کانلرنی عامه مُلکی دیب اته‌دی و افغانستان اسلام امیرلیگی کانلرنی قَیته تیکلش، رواجلنتیریش و استثمار قیلیش یولیده ثمره‌لی قدملر قویگنینی ایتدی.

اسلام امیرلیگی متصدیلریدن خلق آلدیده‌گی مسوولیتینی یخشی و مهربانلیک بیلن ادا ایتیشلرینی و اوز دروازه‌لرینی خلق اوچون دایما آچیق توتیشلرینی سوردی.

امیرالمؤمنین حضرتلری اوز پیامی‌ده اسلام امیرلیگی یتیملر، بیوه‌لر، معلوللر، کمبغللر نینگ حق-حقوقلرینی حمایه‌ قیلیش و اولرگه یاردم بیریشگه قتّيق بیل باغلشینی تأکیدله‌دیلر.

اسلام امیرلیگی رهبری افغانلردن محتاج آدملرنی اونوتمسلیکنی و اولرگه غمخورلیک قیلیشنی سوردی.

امیرالمؤمنین حضرتلری خلقنی، هم‌جهتلیککه چارله‌دیلر و شونده‌ی دیدیلر: «بو توزومگه کوپ سانلی شهیدلر قانی، مجاهدلر و خالص مسلمانلر نینگ سعی-حرکتلری و فداییلیکلری عوضیگه ایریشیلدی.» اونی حمایه‌ قیلیش اوچون” کیلینگلر، بیر-بیریمیزگه اکه-اوکه‌دیک یانداشه‌یلیک، دشمن نینگ نیرنگلرینی ضررسیزلنتیره‌یلیک، قدر-قیمت، خوفسیزلیک، فراوانلیک، و شریعت باشقروو تیزیمینی تن آلیب و اونی مستحکملش اوچون حرکت قیله‌یلیک.”

او اوشبو هییت پیامی‌ده اسلام امیرلیگی بوتون دنیا، خصوصاً اسلام دولتلری بیلن شریعت قانونلری دایره‌سیده سیاسی و اقتصادی علاقه‌لر اورنه‌تیلیشینی ایستشینی و بو باره‌ده اوز مجبوريه‌تلرینی بجرگنینی ایتدی.

اسلام امیرلیگی رهبری افغانستانده‌گی هلاکتلی سوو تاشقینلری و افغان مهاجرلری نینگ مجبوری دیپورت قیلینیشینی تیلگه آلیب، اسلام امیرلیگی همان یاردم سورب، قَیتیب کیلگن مهاجرلر و سوو تاشقینی قربانلرینی قولیدن کوتاریشینی ایتدی.

اميرالمؤمنين حضرتلری اوشبو هییت پیامی‌ده اسرائیللیک صهیونیست‌لر نینگ غزه‌ده‌گی هجوملری و وحشيلیکلریگه توخته‌لیب، عیاللر، باله‌لر و مظلوم مسلمانلر نینگ اوستیگه هجومینی ینه‌ بیر بار کیسکین قاره‌لشینی ایتدی. شرط و باشقه‌ مملکتلردن بو کتّه‌ جنایتلر وحشيلیکلر نینگ آلدینی آلیش اوچون اوز مجبوريه‌تلرینی توغری بجریشلرینی سوره‌یدی.

افغانستان اولوسی اوشبو مهم‌ و کینگ قمراولی خبرنی اوقیب چیققه‌چ، اونی ممنونیت بیلن قبول قیلدیلر و افغانستان اسلام امیرلیگی رهبری نینگ فراوانلیک، ترقیات و ملی بیرلیک یولیده‌گی هر بیر بویروغیگه اعتبار قره‌تیشگه وعده‌ بیردیلر.

نمایش بیشتر

نوشته های مشابه

دکمه بازگشت به بالا