افغانستان اسلام امیرلیگی تشقی ایشلر وزیری نینگ اسلام همکارلیک تشکیلاتی تشقی ایشلر وزیرلری نینگ ۵۰-ییغیلیشیده‌گی نطقی متنی
کابل ۱۰ سنبله باختر
الحمد لله رب العالمین والصلاة و السلام علی خیر خلقه محمد وعلی آله واصحابه اجمعین.
بیراق کیین:
جنابی حضرتی حسین ابراهیم طه – اسلام همکارلیک تشکیلاتی باش کاتبی، کمرون جمهوریتی تشقی ایشلر وزیری جناب مبیلا مبیلا، اسلام همکارلیک تشکیلاتیگه اعضاء مملکتلر نینگ حرمتلی تشقی ایشلر وزیرلری همده کوزه‌تووچی دولتلر نینگ حرمتلی وکیللری و تشکیلاتلر، السلام عليکم ورحمت الله وبرکاته!
اوّلا، اسلام همکارلیک و مهمان‌دوستلیک تشکیلاتی تشقی ایشلر وزیرلری نینگ ۵۰-ییغیلیشیگه میزبانلیک قیلگنی اوچون کمرون جمهوریتی حکومتی و خلقیگه اسلام امیرلیگی و افغانستان خلقی نامیدن صمیمی منّتدارلیک بیلدیره‌من.
شونینگدیک، اسلام همکارلیک تشکیلاتی نینگ تأسیسچی دولتلریدن بیری نینگ وکیلی صفتیده اوشبو تشکیلات باش کاتبی حسین ابراهیم طه‌گه اوشبو تشکیلاتگه عاقلانه رهبرلیک قیلگنی و اوشبو ییغیلیشنی موفقیتلی اوتکزگنی اوچون منّتدارچیلیک بیلدیره‌من.
خانیملر و جنابلر!
مین اسلام همکارلیک تشکیلاتی تشقی ایشلر وزیرلری ییغیلیشیده اوز مملکتیم – افغانستان نینگ وکیلی صفتیده اشتراک ایته‌یاتگنیمدن خورسندمن، بیراق افغانستانده اونلب ییللر اوتیب نه خارجلیک عسکرلر، نه اولوس اوروشی دوام ایتماقده. غرب نینگ افغانستانده‌گی حربی و اشغالی اصطلاحسی بوتونله‌ی یوق قیلیندی. مملکتده‌گی حاکمیت آراللری آلیب تشلندی و بوتون مملکت مرکزی، صادق و مسوولیتلی حکومت تامانیدن باشقه‌ریله‌دی.
افغانستان بیر نیچه اون ییللیکلردن سونگ تولیق خوفسیزلیک و برقرارلیککه ایریشدی. دولت ارگانلریده فساد‌گه برهم بیریلدی. گیاهوندلیک واسطه‌لری نینگ هر قنده‌ی تورینی یېتیشتیریش و سوداسی بوتونلی تعقیقلنه‌دی، مملکت و خلق آلدیده‌گی اوستوار وظیفه‌لرنی بجریش، متناسب رواجلنیش اوچون مملکتیمیز نینگ برچه حدودلریدن توشگن درآمدلر مرکزی خزینه‌سیگه ییغیله‌دی.
افغانستان نینگ ملی بودجه‌سی ۱۰۰ فایز ایچکی درآمدلر حسابیدن مالیه‌لشتیریله‌دی و بو دولت حاضرده مملکت ایرکینلیگی و برقرارلیگینی تأمینلاوچی و حمایه قیلووچی، اوز مملکتی برقرارلیگی آرقه‌لی منطقه برقرارلیگیده چمبرچسب رول اوینه‌یدیگن خوفسیزلیک کوچلریگه ایگه.
بیراق افغانستانده هم اونلب ییللر دوام ایتگن اوروش طفیلی معمالر بار. افغانستان بانکی نینگ میلیاردلب دالرلیک اکتیولری آمریکا قوشمه ایالتلری تامانیدن موزله‌تیب قوییلگن. افغانستانگه نسبتاً عدالتسیز اقتصادی چیکلاولر جاری ایتیلدی. اوندن قانونی تن آلیش حقوقی ناحق آلیندی و حتی اونینگ ایختیصاصلشگن خلق‌ارا تشکیلاتلرده وکیللیک قیلیش انکار ایتیب بولمه‌یدیگن حقوقی هم رد ایتیلدی.
بوندن تشقری، برین منتظم ترغیبات اوروشی نینگ نشانی و بیر تمانلمه بیر تمانلمه حسابات موضوعسی بولدی.
افغانستان اسلام امیرلیگی کیچه‌یو کندوز معمالرنی ییچیش یولیده محنت قیله‌یاتگن و بو باره‌ده سلماقلی یوتوقلرگه ایریشه‌یاتگن بیر پیتده اسلام همکارلیک تشکیلاتیگه اعضا دولتلر و دنیا نینگ برچه بشردوست دولتلریدن ایکّیته التماسی بار:
بیز نینگ بیرینچی التماسیمیز شوکی، برچه دولتلر افغانستان مرکزی بانکی نینگ برچه اکتیولرینی آزاد قیلیش و افغانستان اسلام امیرلیگی رهبرلریگه نسبتاً قوییلگن اقتصادی چیکلاولر و سیاحت تعقیقلرینی بیکار قیلیش اوچون جدّی حرکت قیلیشلری کیره‌ک. اوشبو چیکلاولر افغانستان مرکزی بانکی نینگ مجبوريه‌تلرینی توخته‌تیب قوییشی، اقتصادی اوسیش سرعتلری و حتی منطقوی سودا نینگ سیکینلشیشیگه، ایکّی و کوپ تامانله‌مه مناسبتلرنی یولگه قوییش مقصدیده حرکتگه توسقینلیک قیلیشگه آلیب کیلدی. امید قیله‌میزکی، اوروش دوریده‌گی خطی-حرکتلر تینچلیک باسقیچیگه اوتکزیلمه‌یدی. قبول قیلووچی دولت باشقه دولت تشقی ایشلر وزیرینی تکلیف قیلیش اوچون بیرلشگن ملتلر تشکیلاتی‌دن رخصت آلیشگه مجبور بولیشی مقصدگه موافقمی؟ بونده‌ی خطی-حرکتلر خلق‌ارا حکمرانلیک ترتیبی نینگ عدالتلیلیگیگه اته‌یلب شبهه توغدیرمه‌یدیمی؟
ایکّینچی التماسیمیز، اسلام همکارلیک تشکیلاتیگه اعضا دولتلر و دنیا نینگ باشقه دولتلری افغانستان بیلن عمومی قانونی علاقه‌دار دایره‌سیده اقتصادی و تجاری شریکلیککه کیریشسین. اوزی نینگ جایلشووی، اولکن طبيعی ریسورسلری، ارزان و محنتکش انسان ریسورسلری بیلن خوفسیزلیک سایه‌سیده، اقتصادی یونه‌لتیریلگن و موازنتلی تشقی سیاست و صمیمی سیاسی اراده بیلن افغانستان منطقوی علاقه و سرمایه اوچون نایاب امکانیتدیر. بو امکانیت ملی سووېرېنیتېت و قانونی منفعتلریمیزدن باشقه چیگره‌گه ایگه ایمس.
افغانستان اونلب ییللر دوام اېتگن اوروشلردن خلاص بۉلگن دولت صفتیده اۉتمیشده‌گی اچّیق تجربه‌لرنی اونوتیب، دنیا مملکتلری بیلن قانوني اۉزارا منفعتلرگه اساسلنگن ینگی مناسبتلرنی یۉلگه قۉییشگه چین دلدن قطعي قرار قیله‌دی. اۉزیمیز و بوتون دنیا اوچون تینچلیک خبریمیز بار و بیز منطقه و دنیا مملکتلرینی توپراقیمیز باشقه‌لرگه قرشی ایشله‌تیلمسلیگیگه ایشانتیره‌میز.
بیز بو مجبوريه‌تنی آخرگی اوچ ییلده عملده اثباتله‌دیک. خودّی شونده‌ی، بیز دنیا مملکتلری افغانستان بیلن هم خودّی شونده‌ی مناسبتده بۉلیشینی ایسته‌یمیز و اوّلگی موفقیتسیز تجربه‌لر اساسیده بیریاقله‌مه تخمینلر و تحلیللر اۉرنیگه اولرنی ینگی واقعلیکلرگه اساسلنگن توشونیشگه چارله‌یمیز.
اسلام همکارلیک تشکیلاتیگه اعضا بولگن برچه دولتلر قطاری افغانستان هم دنیا نینگ برچه دولتلریگه ایجابی مناسبتده بولیب، اولردن ایجابی همکارلیکنی ایسته‌یدی.
اسلام عالمی تشقی ایشلر وزیرلری نینگ اوشبو ییغیلیشیده سیزگه اسلام همکارلیک تشکیلاتی نینگ موجودلیگی فلسفه‌سینی بیره‌دیگن فلسطین مسأله‌سینی تیلگه آلمه‌سه‌م، کتّه عدالتسیزلیک بوله‌دی. اوتگن عصر دوامیده فلسطین خلقی و زمینینی ویران قیلیش اوچون آلیب باریله‌یاتگن اوروش، اینیقسه، صهیونیست اشغالچی ریجیمی تامانیدن مظلوم فلسطین خلقینی قصداً، تیزیملی و شفقتسیزلرچه قیرغین قیلیش تیزلیگی بیلن دوام ایتماقده. اوتگن بیر ییل تاریخده مثلی کوریلمه‌گن بو احوال دیر.
بیراق آره‌دن بیر ییل اوتیب، خلق‌ارا حکمرانلیک ترتیبی نه‌فقط ظالم نینگ آلدینی آلدی، بلکه مظلوملرگه قرشی مالی، حربی و تشویقات یاردمینی هم آلدی. بو حالتنی هیچ قنده‌ی طرزده آقلب بولمه‌یدی. فلسطین معماسیگه زودلیک بیلن، عدالتلی و دایمی ییچیم تاپیش و اونی عملگه آشیریش اوچون ضرور سیاسی اراده، موافقلشتیریش و امکانیتلرنی تاپیش دنیا نینگ برچه بشردوست مملکتلری، خصوصاً اسلام همکارلیک تشکیلاتی نینگ ذمّه‌سیده‌دیر. بیز اسلام همکارلیک تشکیلاتیگه اعضا دولتلر بو مسأله‌نی حل قیلمسه‌ک، بیزنی خدا هم، خلق هم کیچیرمه‌یدی.
اعتبارینگیز اوچون بیر دنیا رحمت
والسلام علیکم ورحمة الله وبرکاته
